السلام عليكم ورحمة لله وبركاته
رمضان مبارك عليكم
وكل عام والجميع بخير اعاده الله علينا اعوام واعوام ونحن بأحسن حال
وتقبل الله منا ومنكم سائر الأعمال...

اتمنى اتمنى اللي بيرد علي يكون عارف عن مواضيعي السابقه ..
او عندو خليفه عن تفكير الرجال والاقي اجابه للتساؤلات اللي ببالي...


قبل كم يوم طلبت من ابو عيالي عن طريق اخوي يطلع جوازات السفر لاولادي
لانو بنسافر وقت الاجازه
رد ابو العيال ع اخوي وقال طيب ..
وارسل للوالده من ثاني يوم انو مو موافق بسبب خوفه ع اولاده
اتصل عليه ولدي وطلع كل كل اللي بخاطره عاتبه ع تقصيره
قاله ليه ماتحبنا ليه ماتسأل عنا ليه ماتهتم فينا ليه ناسينا كان يتكلم من قلبه وانا تركته ع راحته يفرغ اللي بخاطره قلت ممكن يحس هالادمي..
رد ع ولدي انو مشغول
قاله ولدي ليه ماتنشغل عن اخواني اللي عندك..
رد عليه انهم عايشين معاه وان ولدي واخته مو عندو
بيت اهلي قرررررريب جدا من بيته مقدار المسافه تقريبا 5 كيلو
وبيت جدة عيالي ابعد من بيت ابو عيالي ب 15 كيلو هو كل يوم يروح لأمه وياخذ عياله كلهم ماعدا زوجته ويمر من بيت اهلي اللي انا وعيالي فيه
وولدي عندو جوال يعني يقدر يتصل عليه بأي وقت
المهم تعذر له وقاله بالعكس انا احبك انت ولدي وفلانه بنتي ...
طلبه ولدي يسوي الجوازات بالاول رفض مرا بس ثاني يوم اتصل وقال انو موافق وارسل له الصور بس للان مارد علينا بشي ...
من جهتي انا رافضه داخليا اوكيه داخليا انو يأخذهم وحابه انو ينساهم لانو زيارته تتعبهم
بس هم بالنهايه هذا ابوهم وودهم يحسون فيه..
طبعا بعد العتاب اللي صار ماابدئ اي ردة فعل
لا رجع اتصل لا رجع اهتم ولا شي..
لدرجة ولدي قاله له ياابوي كل يوم انا افتح الواتس اتمنى الاقي منك سؤال..
معقوله كل اللي يسويه غيض فيني ولا طبيعي ..
كل السبل متوفره له ومتيسره وهو مبعد
كنت اتمنى بيته بعيد وانو مستقر بمكان ثاني كنت اتمنى ولدي ماعندو جوال خاص فيه
اتمنى الاقي له عذر بمعاملته ..

حتى لو يكرهني هذولاء اولاده لو انو تركهم صغار مواليد قلت ممكن ماتربوا معاه عشان كذا م يحن عليهم...

اللي حولي يقولوا مو طبيعي واللي يقول عشان كارهك انتي كاره عياله منك
واللي يقولي عشانه مقهور منك ...
طبيعي المنفصلين يصير بينهم كذا
طبيعي اذا الرجل انفصل عن زوجته وله منها عيال بمجرد الطلاق خلاص ينساهم ولا يعتبرهم عياله
ماعندنا حالات طلاق عشان اقيس للأسف انا التجربه الفاشله اللي بمجتمعي يقيسوا عليها ..

__________________
(سيدة الموقف)
لم ننساك ونسأل الله ان تكوني أنتي وأولادك بخير