اقتباس:
المشاركة الأصلية كتبت بواسطة بقايا انتظار
وعليكم السلام ورحمة الله وبركاته
طيب ياختي هل انتي تصرخين عليها اذا ازعجتج
او تسمع صراخكم انتي وابوها اذا صار بينكم سوء تفاهم
او لربما احد اطفال العائله يصرخ ويبكي وهي تقلده يعني اخذت منه الصراخ
ايضا هل بنتج تتابع برامج اطفال اللي دائما فيها ازعاج وصراخ
او تتابع افلام كرتونيه كذالك فيها ضرب ومطاقق
الطفل يتاثر باشياء ونحن لانعلم
حاولي تعرفين سبب صراخها ولماذا انتي بالذات
ربما تخاف من ابوها اكثر منج
لهيج ماعندها مانع تصارخ عليج
علاجها
اعرفي سبب الصراخ
ايضا اخبريها بان الصراخ خطاء
وان البنات الحلوات مايصرخن وان اللي تصارخ مو حلوه وهي طفله
تكلمي معها فهي في سن 5 تفهم مايقوله الكبار
|
كانت تتابع قناة برراعم وبعد ماقفلوها اشترينا لها ايباد لان صارت تزعجنا ماتبغى الا هالقناه .... تستخدم الايباد بالالعاب او تدخل اليوتيوب على براعم ...
لا بالعكس ماصرخ عليها ولا اضربها ... يمكن اعصب عليها على خفيف ... عكس ابوها احيانا اذا غلطت يعصب عليها ويصرخ عليها واحيانا يضربها على ايدها طبعا ضرب خفيف ...
اطفاال العائله هاديين ماشاءالله ... ماعمري شفت طفل يبكي اكثر من نصف ساعه ...
نعم احيانا تكون حاضره لما نتشاجر انا وزوجي ..
ماشوفها تخاف من ابوها ... احيانا اذا نرفزتني تهرب لعنده مع انها تدري اني ماضربها ... اشوفها تنفر مني !! مع اني ولا مره اعنفها ... عماتها تصرخ عليهم برضو ... حاولت اقولها وافهمها واهددها مافي فايده ... عدوانيه زياده عن اللازم ... لدرجة فكرت اوديها طبيب سلوكيات الاطفاال بعد العيد ...لان قبل امس لما رجعنا من مكه كانت غير شكل بعصبيتها وصراخها وضربها ... عمتي قالت ماكانت كذا لما كنا بمكه ولما رجعنا صارت تتصرف كذا .. اشكرك عزيزتي بقايا ..