المشاركة الأصلية كتبت بواسطة ام يوسف وسما

توقعت 😁..

اولا لازم تتفاهمي مع زوجك
على طريقه للتعامل معاها لانه التناقض يضرها
اتفقو اذا هو مثلا صرخ عليها او شي لا تتدخلي
ونفس الشي معاك اذا شديتي عليها لايتدخل
اذا حد عنده تعليق ،، ليكون بينكم بعيد عنها


ثانيا .. الطناااش الطناااااش
اذا طلبت شي وانتي تشوفيه مش كويس قلتي لا
طبعا بتبكي وغيره .. طنشييييي
كانت بنتي بدت هالمرحله من فتره بس على خفيف
وبسرعه لحقتها .. اخليها تبكي تبكي
تحي تزن جنبي ترجع تبكي وانا احاول ادخل نفسي بعالم ثاني 😁

او بكل بساطه احملها لغرفتها واقولها بهدوووء بس تخلصي البكاء تعالي
وكل ماخرجت ارجعها ( بنتي بعمر بنتك)

بس تهدا بعد فتره اجلس معاها واقولها
ماما تحبك وانتي شاطره لكن الشي الي تطلبيه لا
لانه كذا وكذا .. لا تتوقعي انها ماتفهم .. هي تفهم وهي كمان فاهمه
انه بالبكاء تضغظ عليك ..

مره على مره على مره فهمت انه اسلوب الصراخ والبكاء وغيرو
مابينفع معي وبدت فترات البكاء تنقص وتنقص .. لغايه ماخلاص تعلمت
لقلت لا يعني لا وهي فاهمه انها مهما سوت ماراح اغير رايي

فا الحمدلله ارتحنا من البكاء ..

لا تصرخي عليها ولا تضربيها ولا اي شي
هو التطنيش لغايه ماتسكت لحالها وشوي شوي بتتعلم
ان هذا الاسلوب ماراح ينفع


الشي الثاني عشان تخففي من كلمه لا .. اوعديها بشي ممكن
مثلا ابني عمره 8 طالب ايفون 😂
قلت له من عيوني اول مايصير عمرك 16 سنه بجيب لك تلفون

بنتي طلبت ايباد 😂 قلت لها من عيوني اول مايصير عمرك 16 وتصيري
كبيره زي فلانه بشتري لك احلى ايباد
عشان بس ماتكون اجابتي دايما لا لا لا
اعطيهم الايجاب بس بشروط


الله يصلحها حبيبتي وتشوفيها احلى عروس