حتى الرجال تغيروا مو بس السيارات و المكيفات قلت جودتها.


رجال ما ترضى تقتنع بأخطائها و أنه لازم تتغير.
دائما الخطىء على الطرف الآخر و للأبد.

قبل الأزواج يعطون و يدلعون و يرفهون و يسفرون و يضحون و يضحكون و يخافون على نسوانهم من الغبرة و الحرة
الحين الله أكبر جفاف على قساوة على ندية
ماكو رفق و لا اكو هدوء و تفاهم و البيت مو للسكن و الراحة.

و يقولون الأمية قلت و الجهل قاعد يقل ..
و بتوع الدراسات و الجامعات زادو ..
للأسف صار قليل نجوف رجال طيب و لطيف و يهتم بمشاعر زوجته رفيقة دربه و الي تشاركه المخدة و السرير و البيت!
مظاهر مفرغة من الاحتواء و الدفء!

سوري نوني وضعج صعب أدري و أفهم و نتشابه.
الفرق انج تقدربن تعيشين في بيت اهلج مثل ما تحبين. و مو ناقصنج إلا العاطفة.

طيب يا حلوة حتى الحب:رزق.استغفري ربج أكثر. و لا ترمين كلام ما يحب زوجج يسمعه حتى ما تعطينه المجال أنه يقتنع أنه موقفه معاج هذا الي تستحقينه. عارفة انج قاعدة تصبرين و تطوفين و تكتمين لكنج في بعض المواقف تنفجرين و تقطين كلام او تستعملين أسلوب _مش حلو أبدا