اقتباس:
المشاركة الأصلية كتبت بواسطة بقايا انتظار
طيب ياكنافه صمتي وماذا سيفيد
استخدمتي الصمت والتطنيش من مواضيعج السابقه ومحل الموضوع
كمان جاريتيه وحاولتي تهديئته ومافاد ايش العمل ياترى ؟!
زوجج يحبج افهمي هالشيء
وترى رسالته لج وسؤاله عن الولد مو بس عن الولد ضميره مأنبه على كل كلمه قالها لج امس
بس هو من النوع اللي مايعترف بالخطاء ولايعرف يتصرف
علشان جذي عند اول خطاء تلقينه يرجع صفحات الماضي
انتي عندج مشكله ومشكلتج مع زوجج مو مع احد ثاني
يعني مع شريك حياتج لازم تحلينها او تضل حياتج تدور حول حلقه مفرغه مو بس الضرر عليج حتى على ابنائج مستقبلاً
امــا كلمتج اني استاهل واحد ثاني طالعي الموقع شوفي كل حاله اردى من الحال اللي قبلها
نادر رجالنا يحبون هذا الصج
حتى لو تطلقتي يمكن تاخذين واحد اردى منه
لذالك فكري او استشيري كيفية التعامل مع زوجج
وارى انا انج تعاتبينه بوقت هدوئه ولكن بدلع مثل ماقلت هذي وجهة نظري وانتي ادرى بحياتج
ـ
|
كلامك منطقي وانا مقتنعه فيه
ومؤمنه بندره الزوج اللي يحب زوجته
ومؤمنه برضو ان اللي يحب مايتعمد كل شوي يطعن حبيبه
انت راقيه جدا يا بقايا
واسلوبك هذا يبي له رجل رااااقي
انا فعلا جربت اللي تقولين قبل ولا فاد
بس ما اقدر اعطيه ريق حلو اذا هو شد معي
اذا قرب خطوه بقرب خطوتين
ماعندي مشكله ابد
اقصى طموحي اعيش بدون قلق
وهو احسه يتضايق لين شافني مبسوطه
دايم يتعمد يغثني الله يهديه