صباح الخير

الكل صراحة زعلان من موقفك، ويمكن عدم خبرتك وضغطهم عليك حبيتي تتخلصي من الموضوع بأي طريقة، لكن هذا خطأ كبير جداً ترتكبينه بحق بنفسك.

خير الكلام ماقل ودل، وأنا أقولك نقطة مهمة، ربما أنتي لاتفكري بأبعاد قرارك هذا، تدرين أنه بعد سنة أو سنتين أو عشر سنوات أو أكثر أو أقل راح تحقدين على أخوانك بشكل كبير، لأنه تبي تكتشفين بعد ماتكبرين وتزود خبرتك بالحياة، كيف أنهم ضحكوا عليكم وخلوكم تتنازلون عن الأراضي، وعطوكم القرشين اللي لو تصير حتى أكثر من مئة مليون!!

أحنا هنا نتكلم عن حق، وليس أي حق، إنما حقٌ فرضه الله لك من فوق سبع سماوات، سمورة صدقيني أول من يتضايق ويزعل من قرارك هذا لو عرف هو أبوك اللي أكيد مايرضى بالظلم.

برجع أقولك ببساطة، أنا أدرك أنك تحت ضغط هذا الموضوع وتبين تخلصين منه بأي طريقة، لكن هذا مو أي موضوع، هذا من أهم المواضيع بحياتك، لأنه يحدد مسارك ووضعك، وعلى هذا الأساس تحتاجي بس فقط تخلي بالك طووووووويل، أصري على موقفك أنتي وأختك، وعيشي حياتك طول وعرض، بالنهاية حقك بيجي، زعلوا رضوا أو مثلوا أنهم زعلوا، ماعندك مشكلة، أصري على موقفك وانسي الموضوع، ولو شفتي منهم أي تعنت أو لف ودوران على طول دخلي أعمامك.
ولا تستعجلين بحسم الموضوع لو يجلس سنوات، ترى الفلوس إذا ماجتك اليوم تجيك بكرأ، وغيرك اللحين أعمارهم وصلت الثمانين ومازال عندهم نفس وقناعة واحساس أنهم بيعيشون سنين طويلة وأنهم على حق ويطالبون بفلوسهم رغم أن بعضهم أصلاً على باطل ويدرك أنه على باطل، لكن الشيطان والطمع، أجل وش نقول عنك أنتي اللي عمرك 21 وقدامك المستقبل ولك حق الله أمر به.
ترى أخوانك بيحترمونك ويقدرونك مو لما تتنازلي عن حقك، إنما لما تثبتي على موقفك وتطالبي بحقوقك كاملة من غير نقصان حتى لو أظهروا لك أنهم زعلانين منك، والمضحك أنهم زعلانين علشانك تطالبين بحقك!!! عجباً!!!!!!!!
وأي شي يضغطون فيه عليك، قولي بفكر وأرد لكم، وتعالي واستشرينا قبل ماتتخذين قرار.

__________________
ياصبحِ لاتِقبل !!
عط الليل من وقتك..