من الصعب نقول ان الطريقه الفلانيه هي تخلي الزوجه تحب زوجها
لان كل انسان وله شخصيته ونظره تختلف عن الثاني
فيه من الزوجات اللي تنظر الى طيبة زوجها واحترامه لها على انه غباء وتتمرد عليه
وفيه اللي لوتولع لها اصابع شمع ماينفع فيها وعند اي خلاف بينكم ولا كانك سويت لها شي حلوابدا
وفيه اللي تخاف ماتستحي ولازم تكون خايفه عشان تقدر تعيش معها
وفيه النكديه اللي تدور الزعل والنكد دواره هذا النوع اللي يقصر العمر ويخليك تشيب قبل وقتك

وفي المقابل فيه بنت ناس محترمه ولا تطلب الا الاحترام والتقدير
وفيه اللي اذا اسعدتها ملت عليك البيت سعاده وفرح
وفيه تخليك تحترمها غصب عليك من معاملتها لك ولـ اهلك

فـ كل انسان وله طريقه في التعامل
اما موضوع الحب هذا من الله ساعات نحب شخص مافيه شي ينحب
ومانحب انسان كل الناس يحسدونك عليه

ولكن بصفه عامه انا اشوف ان المفروض ان الزوج يخلي زوجته تشوف اللي يحب يشوفه هو فيها
يعني اي انسان يحب انه اللي قدامه يحترمه ويقدره ويقدر تعبه عشانه ويحتويه ويهتم فيه
ويتزين له وهذي نقطه كثير من الرجال يهملها ويعتقد ان تعبه خارج البيت يكفي والحقيقه لا
لازم الزوج يلبس ويتزين واذا دخل البيت يرمي كل مشاكل العمل برى البيت لان اللي في البيت مالهم ذنب باللي يحصل برى
ولازم يخلي بيته هو الاوليه طبعا بعد والديه اذا هم موجدين على الدنيا
يشوف مصالحهم وايش محتاجين ويدور اللي يسعدهم