وعليكم السلام

سمورة اولاً اهدئي وابعدي عاطفتج
واذا في بالج أي خطوة تسوينها اكتبيها هني نتناقش فيها أول
اتفقنا ؟ .. أخذ مشورة الناس يعني مشاركتهم عقولهم ...

ثانياً موضوعج شقين ..
- الأول : اخوانج : اخوانج وارثين أكثر منج و من أختج
يعني مو محتاجين سلفة لا منج و لا منها...
بيزعل يوم ؟ اثنين ؟ شهر ؟ سنة ؟ في الأخير بيطخ
لا تعطينهم ولا 5 فلوس ..
مع ذلك عامليهم بالحسنى .. سلمي و كوني بشوشة بإختصار تعاملي معاهم بطبيعتج واخلاقج...
تذكري انتي في حرب .. في حرب .. سمعتي ؟ في حرب وانتي صاحبة الحق...

- الثاني : مع زوجج : حقيقة ما اخفيج متخوفة من تصرفه نعم..
ولكن اتصور انه مجرد اختبار أو عناد
لذلك لا تستعجلين..
هو يعرف حالياً انج مو راضية..
وما اتصور بيتصرف فيها مبدئياً عالأقل..
ننتظر جم يوم و نشوف...
سمورة اكيد ما تبين تخسرين زوجج
ولا تخسرين ورثج
هذيل هدفين خليهم جدام عينج وتتصرفين على اساسهم..
اللي يدفعني للتفكير بإنه تأديب او اختبار او عناد
هو موقفه مع ابوه .. مع انه عاش على راتب 400 دينار
وابوه عنده خير
ويشيل من هذي ال 400 دينار .. 50 دينار حق اهله اللي مو محتاجين اصلا...
لذلك فلنحسن الظن ونشوف هالجم يوم .. تمام ؟


موضوع الشكوى استبعدي اخوانج تماماً تماماً

سمورة .. اكرر .. انتي في حرب
لازم تطلعين منهها ربحانة
زوجج
وورثج...

بس خليها حرب ناعمة.. اهدئي ولا تتصرفين بعاطفية

و تذكري .. القانون لا يحمي المغفلين

__________________

حاجة الناس إليكم من نعم الله عليكم ، فـ لا تملوا النِعم ☁✨