انا ما بعرف بشو انصحك حبي مبتعثة لانك انت ادرى اذا صديقاتك بالفعل اتغيروا او هيدا هوي اسلوبهم نفسه اللي كان من قبل
بس بالنسبة الي اذا انا مع صديقاتي بعدني نفس ما كنت بعمر المراهقة كنت شاركهن بالمقالب وشايلة التكلفة معهن وما ممكن تتغير نظرتي الهن
فشوفي اذا كان اسلوبهم اللي قبل نفس الاسلوب الان
انا متزوجة وصديقتي عزباءصارت مدرسة ومع الوقت ومسؤولة عن قسم من المدرسات وصديقاتي اثنين متزوجات وحدة مدرسة ووحدة صارت مذيعة وبنعرف بعض من اكتر من 22 سنة يعني من ايام الابتدائية الى الآن
وشوفي وقت نستلم رفيقتي المذيعة او المسؤولة وعلى ضحك وهني بيستلمونا
وكل ما بتقوى علاقتنا اكتر
بتصدقي لحد هلئ كلامنا ومقالبنا وحركاتنا نفسها ذاتها ومهما وحدة حكيت ما بنزعل ولا بنعتبرها شي
يعني اللي بنحكيه بين بعض او بنتصرفه او بنقلب على وحدة وبنستلمها ما بنعمل منها حزازية لاننا مع بعض بننسى شي اسمو حدود لانو بنرتاح لبعض لابعد الحدود وبننسى حالنا
ومع زملاء او اصدقاء تانيين كليا تصرفنا غير ولا في مقارنة مع تصرفنا مع بعض
حبيبتي مبتعثة هالشي انت بتحدديه وبتشوفي حالك وين بترتاحي
وارجعي لقبل وشوفي الكلام اللي عم ينحكى هلئ كان ممكن ينحكى قبل وتشاركي فيه بضحك ومزح

لانو صعب نحنا نحدد لانو عن نفسي بزيدها كتير مع اقرب صديقة الي حتى بعتبرها اخت وبنسمي بعض توأم الروح
انا بستلمها بشغلها ومع طلابها وهيي بتكون عم تحكيلي مواقف
وهيي بتستلمني باشياء تانية ومع الاولاد وحتى بتحكيني كلام انا ما بحكيه مع اختي
بس منها بقلها بيطلع عسل
وهيي مع كل تعليقاتي عليها وانا عم اضحك بعدها مستمرة تحكيلي عن مواقفها ان كانت عن المسؤولة عنهم بقسم التدريس او مع طلابها
ولا مرة بفكر انو ممكن يكون في غيرة بيناتنا لانو بالفعل بحس انو نحنا بعدنا عم نتصرف بنفس الاسلوب لا العمر غيرنا ولا الزمن
ومتأكدة انها بتتمنالي الخير من كل قلبها وانا نفس الشي وكل ما كانت تترقى بوظيفتها طير من الفرح بس ما تسلم من حركاتي
وكتير ناس وقت تشوفنا كيف مع بعض بيقولوا ولا كأنكن كبرتوا او صرتوا امهات وزوجات حركاتنا مع بعض هيي ذاتها وممكن عم تزيد
ربي يقدملك كل الخير حبي


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه