رد: لماذا لم أتزوج للآن؟
ما الهدف من إيصال فكرتج ؟
شوفي عزيزتي ..
البنت العربية من أول يوم تطلع فيه للدنيا
المجتمع يبرمجها على موضوع الزواج..
ويخلون البنت تعلق آمالها على الزوج المنتظر!
لدرجة ان تعتقد انه المصباح السحري
اللي لما تحكه بيطلع بيقول لها شبيك لبيك عبدك بين ايديك..
لحد فترة زمنية سابقة.. وبيبب انخفاض مستوى العيشة
بعض البنات لما يوصلون سن ال 18 يطلبون من اهاليهم يتدربون سياقة
الأهل يقولون لها : لما تتزوجين زوجج بيدفع التكاليف
أو لما يدربونها على حسابهم يقولون لها زوجج بيشتري لج سيارة
وهذا مثال بسيط...
فتبدأ مرحلة الانتظار..
من تدش اول ثانوي تبدأ تسمع جملة : يلا قريب توصلين لسن الخطوبة
وبعطيج مثال حواليني
بنت زوجي عمرها 12 ..ابوها منعها من صديقة معينة تقول لي خالتي يلا هانت باقيلي 6 سنوات واتزوج عشان آخذ حريتي بدون ما ابوي يفرض علي طلعاتي و صديقاتي!
بينما في الواقع البنت تنتقل من مرحلة : ابوي ما يرضى
لمرحلة : زوجي ما يرضى!
يخلون البنات يعيشون طول عمرهم بإنتظار فارس راكب حصان ابيض
وفي الواقع ممكن تتزوج واحد راكب وانيت ابيض!
كلامي السابق انا ضده ضد ان نؤجل احلام البنات لوقت زواجها
و ضد ان نخلي البنت تنتظر هاليوم اللي يمكن ما يجي
في نفس الوقت ضد فكرتج .. واشوفها فكرة متطرفة
الزواج استقرار ومسؤولية
جميل تغيير الروتين.. ولكن بطريقتج لا
وللأسباب اللي ذكرتها في بداية كلامي
ما راح تجدين ارض خصبة تستقبل مثل هالافكار
__________________
حاجة الناس إليكم من نعم الله عليكم ، فـ لا تملوا النِعم ☁✨