عزيزتي قلبه بعدك داخلة على حياة جديدة من بعد انفصال اربع سنوات
ارجعي ادرسي شخصية زوجك لتعرفي كيف تخليه يعدل بشرع الله ويرجع الزوج اللي ملكتي قلبه
قرأت كل مواضيعك والف مبروك الرجعة والله يجعل الايام الجاي افضل وكلها سعادة الك ولعائلتك

الله اعلم حسيت انو زوجك بيحب المرأة اللي بتعرف شو بدها والقوية اللي ممكن يخاف منها او يكون الها كلمة مسموعة ويحسبلها الف حساب وهيك شايفة زوجته الثانية حسب كلامك السابق من اربع سنين عن تطليقك بناءا على طلبها وعن عدم رؤيته لولده الا مرة كل ثلاث اشهر
الي صار صار والماضي بيبقى ماضي بس هلئ ابدئي بحياة انت رسمتيها
هلئ عزيزتي لا تلتفتي لتصرفاته الآن ابني بالبداية حياتك على شي صلب متين
طوري من حالك وكل يوم صقلي شخصيتك واعرفي شو بدك
كوني السهل الممتنع والمرأة التي لا تنسى
وقت يكون معك بأوقات اجعليه كل شي او حسسيه بهالشي وبعدين انشغلي عنو ليحس انو فقدك
بعض الرجال بيحبوا اللي يدوروا عليها وما تلتصق فيهن
او بتكون حدهن وفجأة بيفقدوها وما بتخليه يفهم شخصيتها
من تجربتك السابقة بتمنى تستثمري وظيفتك بشراء بيت ملك باسمك او اي شي تعمليه لنفسك ولاولادك
كوني صاحبة قرار بما يرضي الله وارجعي اتربعي ملكة بحياته
ما تخلي اي تصرف متل هالموقف يأثر عليكي
اصعدي خطوة خطوة وبعدين كوني حازمة ان كان لتسترجعي حقك وحق اولادك
وعندها بتقدري تطالبي بالعدل اللي ربنا فرضه كزوج وكأب
وما ترجعي تسأليه ليش جابها معو وليش ما قلكن جهزوا حالكن
شوفي اذا من نفسه برر او طنش الموضوع
بتمنى تستغلي الوضع وتلتفتي لنفسك وتشغلي حالك عنو من اشتراك بالنادي او ممارسة هوايات بتحبيها بالاضافة لاولادك ولشغلك هالشي بيريحك عن تصرفاته بالوقت الحاضر

اسأل الله ان يسخر لك زوجك كما تحبين
ويسعدك دنيا وآخرة
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه