اقتباس:
المشاركة الأصلية كتبت بواسطة توووووووتي
زين بقولك حل ضبط معاي
زوجي موعصبي بس مر بضغوطات قبل فتره
وصار يعصب ويجرح بالكلام
ولما يهدا يرفعني فوق ويعتذر انه مايقصد
انا من طبعي اسكت وماارد
وصرت اتضايق من هالاسلوب
ومره كان جوالي بيدي وولدي كب الشاي
عصب وبدا يتكلم ويجرح انا اعرف انه مضغوط من والده فتحت الكاميرا وسجلت فيديو
لما هديته وراضيته وجاء وقت المغرب
وهو فايق فتحت الجوال وقلتله يابوفلان
ادري انك ماتقصد اللي تقوله ومن حبي لك
احترمك ولاارد عليك
لاكن ماعاد اقدر اتحمل هالاسلوب والتجريح
وفتحت الجوال على المقطع
ونزلت للمطبخ اسوي قهوتنا
اسمعه كل شوي يعيد المقطع
بعد ماحطيت القهوه وجاء
قلي ماكنت اقصد
اصلا مدري كيف طلع مني هالكلام
كاني موبوعيي
لوماسمعة التسجيل ماكنت اتوقع ان الكلام اللي قلته يجرح كذا
ولاتاخذين بخاطرك علي
والحمد لله ماكررها مره ثانيه
ترا بعض الاحيان نحتاج ردة فعل قويه وبطريقه غير معتاده لاجل تصحينا وتنبهنا
|
عجبتني الفكرة يا توتي
راح اسويها .. بالكثير بعد 3 أيام
الحمدلله ما يخليني اشتاق لعصبيته .. كريم
اقتباس:
المشاركة الأصلية كتبت بواسطة كوثر1981
يكون في شي مضايقه من خارج البيت ويفشش فيج هذا طبعهم
. ما تقدرين تخففين لأن طبع دخلي من اذن وطلعي من الثانية وانا اشوفه في كثير ناس من يتضايق يصب جام ضيقه على أقرب الناس له
|
هو فعلا مضغوط بشغله وايد
بس ما يخصني .. ما لي ذنب اتحمل هالكلام
اقتباس:
المشاركة الأصلية كتبت بواسطة نرجسيه..
اسلوبك يجننن وانتي معصبه 😂😂
ما بزيد على كلام الاعضاء دامه كلام وقت زعل ما يعني شيء منه طنشي كأنك ما تسمعين وممكن تسوي حركة توتي بس ممكن يلاحظ ويزعل وقتها وانتي ادرى بزوجك
|
الله يجبر بخاطرج... تصدقين أحيانا اذا عصبت أتمنى زوجي يقول هالجملة .. وبعدين اتفاجئ واهدأ واستحي وابتسم ..
لقطة من مسلسل
راح اسوي حركة توتي
وقت العصبية ما يشوف جدامه ولا يدري شقاعدة اسوي ..