رد: كلماته الجارحة تؤذيني
لست كغيري ومبتعثة..
هو عصبي مع الكل ، ولكن بره البيت يكبت
داخل البيت ينفجر
متعود إن كلامه يُنفذ من غير نقاش - بره البيت
فيحس بنوع من الإهانة لما اناقشه / أتصور جذي
آنه مطيعة له وايد
في كل الأحوال راح انفذ اللي يبيه
بس طبعي اسأل..
مثلاً قال لي جيبي بطاقتج الذكية
قلت له من عيوني .. بس ليش تبيها
يقول لي جيبيها وخلاص .. يعني راح اكسرها مثلا؟
ويشعر ان سؤالي له قلة ثقة فيه!
أو نقاشي له قلة ثقة في قراراته
بس فعلياً اثق به
بس ما احب اسوي شيء بدون ما افهم ليش اسويه!
أحاول اسكت
مسك
اعتقد اعتذار...
ميمي
ههههه على طاري الدعوة
تذكرت مرة كنت امزح معاه أقول له قوم صل ركعتين شكر
وقول الحمدلله ان آنه زوجتك
قال لي الحمدلله الذي لا يُحمد على مكروه سواه
قصف جبهتي..
ميمي و ريماس وامرأة من مكان ما..
اقدر جهوده
وحاطته تاج فوق راسي
لكن صعبة تعيشين بخوف ان تقطين كلمة عشان لا ينفجر فيني
وايد اتردد افتح معاه بعض المواضيع خوفا من عصبيته
ودي أتكلم براحة بدون ما احسب حساب ان ممكن يتضايق او عصب او يقط كلمة...
مع ذلك مثل ما سبق و قلت نظمت لي خطوات معينة خذيتها من المشاركات هني .. و راح اطبقها و يا رب تنفع
وصح يا امرأة .. مضغوط من كل مكان
الله يعينه...
ظل الياسمين
حي الله 89 ..
اممممم مو كبير بالعمر .. شايب إلا شوي
يمكن فرق العمر بيننا له دور
15 سنة مو شوي
فعلاً ما احب النكد
لذلك دايما اسأله هل الشيء اللي صار يستحق ان احنا نتضايق ونتنكد وتنخلق مشكلة من لا شيء!
في نظره آنه اللي اختلقت المشكلة
عموما الله يهديني ويهديه
وفاانتو حبايبي وما منكم مضرة 
شكراً لله أولاً وشكراً لكم ثانياً غفلت أمور ما خليتها بالحسبان
وانتوا ذكرتوني فيها ..
والشيء الآخر شكراً لأن لقيت بعض الحلول أعتقد والله العالم راح تخفف من حدة الأمر
الله يوفقكم جميعاً ويقضي حوائجكم
__________________
حاجة الناس إليكم من نعم الله عليكم ، فـ لا تملوا النِعم ☁✨