اسمح لي اخي
في تناقضات كثيرة بموضوعك
تقول ان امك كانت تتدخل بكل مشكله
ولما تدخلوا اهلها انفعلت بشده
وتضايقت من مكالمه والدها وعلمه ببعض التفاصيل

تقول ايضا ان امورك المادية صعبه
وبنفس الوقت عندك استعداد تتزوج ثانيه
يعني تتجه لان يكون عندك زوجتين!
والتعدد مرهق ماديا ويحتاج عدل بالمصاريف

بالاضافة لذلك
تذكر عبارات قاسيه هي قالتها
وتضعها بين التنصيص لانك حافظها
ولم تذكر أي عباره قاسيه صدرت منك
وهذا غير منطقي على الاطلاق


الامر الاخير
ومادفعني للرد بصراحة هو اخر رد لك
انت غاضب لانها تبحث عن عمل
طيب لكم اكثر من شهر منفصلين
بعثت لها مصروف خلال هذه المده؟
اذا مابعثت لها كيف تصرف على نفسها وبنتها؟!

تصرف زوجتك منطقي وعملي
كنت متوقع تشحذ من الناس؟!
والا تجلس جوعانه هي والبنت؟
بعدين انت اصلا قررت تشوف حياتك
وتبحث عن زوجة جديده
خلاص اتركها تشوف حياتها وتعمل
يكون لها مصدر رزق
يكرمها هي وبنتها
وتعيش حياتها مستورة ومرتاحة


اذا انت منزعج جدا
فهذا لانك تشوفها مستغنية عنك
والحقيقة اللي لازم تعرفها
ان زوجتك جالسه ترتب نفسها لمرحله مابعد الطلاق


مشكلتك بالموضوع لم تكن الاخيره
ارجع بذاكرتك ورا
قبل المشكله بشهر
شهرين
ثلاث
في امور كثيره حصلت بينكم
كان فيه تدرج داخلها انت ما انتبهت له
في جروح متراكمة داخل زوجتك

تركيزك على اللي صار ذاك اليوم
واختزالك كل الاحداث فيه.. غير حكيم
انت بداخلك تعرف هالشي
بدليل تمسكك فيها رغم كل اللي صار
لكنك تكابر


بالنهايه
تقدر تطلقها
ولاتصدق اللي يقول لك بتتعب
وماراح تتحمل المسؤوليه والتربيه الخ
بكرا الله يرزقها بالوظيفه الحلوة
وتدخل بنتها روضه او حضانه نهارية
وبالليل تلعب معها وتدلعها وتمشيها


وانت الله يوفقك بحياتك الجديدة
ومع عروس جديدة