يبقي في حلين تيجي علي نفسك يوم ومتناميش وتعملي نفسك نايمة وتراقبيها لحد ما تلاقيها لبست وهتخرج من الباب تندهيلها وتواجهيها او تنامي بدري وتظبطي المنبه يصحيكي في وقت ما هيا تصحي وتقومي تفوقي وتعملي نفسك داخلة تنامي تاني وتشوفي هي هتعمل ايه ووارد طبعا وغالبا هي مش هتخرج كل يوم فلازم تكرري الامر كام يوم لحد ما تكتشفي تحركاتها لان كده الوضع خطير ولازم تحذري لو ليها علاقه بحد لا قدر الله ممكن يبقي انسان مش كويس ويعملها مصيبة وخاصة انها مطلقة فالطمع فيها هيبقي اكبر فلازم تحاولي تنقذيها بشتي الطرق ولو واجهتيها خليكي حنينة في الاول لحد متياسي انها مش هتصارحك تبقي حازمة معاها وتهدديها باخواتها وانك هتكبري الموضوع
الحل الثاني تتفقي مع اخواتك وتأمنيهم بالله مش يجيبو سيرة الموضوع لزوجاتهم وتاخدي وعد منهم وتواجهوها وتاخدو تليفونها عافية ولو رفضت تفتح الباسورد قوليلها يبقي احنا كده اتاكدنا من شكنا وهناخد بالنا منك كويس وهنعرف نفتح التليفون واوعو تدوها التليفون وخدي وعد من اخواتك الرجال كمان المعاملة في الاول تبقي بالرفق لحد متشوفو رد فعلها ايه بس حاولي يبقي الاول اخ واحد وتاخدي رايه نعمل ايه وتقترحي عليه افكار وتحلفيه ميتهورش في اي حاجة وانك واثقه في عقله وحكمته وبرده هبحثلك عن طرق اخري للاكتشاف وبإذن الله تطلع مظلومة