المشاركة الأصلية كتبت بواسطة حوراء الحسين

هدي بالك حبيبتي واسمعي موقفي ،، معليش طويل شوي تحمليني


شهر 7الماضي يوم نزول الرواتب

مرت اخ زوجي كانت معاي دقت ع زوجها ها فلان بشر نزل الراتب ! ايوا


سكرت منه فتحت موقع امازون ،،

طلبت امور كمالية ..


سكرت فتحت اكاونت محل صبغ وورق جدران واختارت واخذت رقم المحل ،،هذة واهي عندي لسى م رجعو ازواجنا من العمل ،،


جا زوجي من العمل قال لي نزلت الرواتب شوفي اغراض البيت الناقصه ،، كتبت له مل شي من والى ،،

اليوم اللي بعدها جات لي تقول تصدقي ماعاد عندنا غير 300 من الراتب ،، لييييه !

قالت غيرت الصبغ وركبت جبسن بورد وورق جدران وشريت تحف وثريات 😁😁،،

انا : الله يهنيكم


وظلينا طول الشهر فطورهم عندي ، غذاهم منا ، ادوات التنظيف وما الى ذلك 😁😁😁،، وكان زوجي يلاحظ النقص الفضيع في اغراض البيت خصوصا حنا نفرين وناكل وجبة الى وجبتين فقط غير ادوات التنظيف ،،


شهر شعبان ،، جهزت غرفة بنتها 😁


شهر رمضان قرقيعان وعيد وجوال جديد 😁😁

الاسبوع الفائت بالضبط زوجي يقول لي افكر اعطي اخوي فلان بطاقة الصراف ( هذا المبلغ من بداية زواجنا تاركينه للضروريات القصوى جدا جدا - يعني لو انا او زوجي مرضى او شي بسيط ما نصرفه )

قلت له ليش : قال اكله دائما من بيت ابوي ،،

كان جوابي : شوف ي فلان مالي دخل باللي يصير بين الاخوة ،، ان كنت تبي الحق قلبي يقول لا وان كنت تبي رأي العقل انا احب ترابط الاخوان بس ويش ! اخاف بكرى اشوف فلوسنا في اشياء كمالية انا اللي بنقهر ،، لاني حارمة نفسي ابي اعيش حياة كريمة وماتمد يدك لاحد ،، وبالنهاية اشوف زوجة اخوك الا راتبهم 3 اضعاف راتبك تلعب فيها ،،

رجع سألني : رأيك الاخير ،،

انا : الله يبارك لك في مالك وعقلك وقلبك والله يخليكم لبعض سوي اللي يريحك ،،



تدري ليه قلت كذا اختي الكريمة


لانهم اخوان وانا الغريبة ،، زوجي شايف وعارف الوضع زين وهو عنده عقل ،، بس مابي يكون رأيي طاغي ،، لو كان اخوي المحتاج ابيع ملابسي واعطيه ،،