رد: طليقتي وحرب الاستنزاف
رجعت وقريت كلامك مرة ثانية .. وثالثة ما فيه شيء غريب
اللي تسويه عادي عادي جدا من وحدة مثلها . بس أنت أشوفك مكبر سالفة رسايلها والتحسب .
1= طنشها . ولا ترد أي رد .. ما تدري وش عواقب الرد على واحدة ما تحل لك . وهي ما تؤمن عواقبها .
2= أنا أروح أبعد من كذا وأقول إذا رحت لهم حصن نفسك . أو حصن نفسك دائما . وانتبه لآثارك فوالله شفت بعيني السحر وفكيته بيدي مباشرة بعد سؤال المشايخ عن طريقة فكه عافانا الله وإياكم ، هناك من تقدم عليه ولا تبالي . خاصة إن غاب الإيمان وحضر الشيطان وظهرت الغيرة الشديدة .
3= كلم عيالك من جوال الجدة كما قالت إحدى الأخوات .
4= صور شاشة الجوال وأرسل لاخوها ( بالواتس ) . اللي عارف وعلمه إذا ما كفت رسايلها بتنقل الخبر لكل العائلة ( تخويف الاثنين ) .
5= كره الأولاد لا تشيل له هم كبير . إذا أخذته وشرى هو اللي يبي وهو يحاسب وياخذ اللي يبيه . يروح هذا كله لو كان فيه أصلا كره .
6= طلباتها ما لك فيها شغل عليك من مصروف عيالك وأظن المشايخ يفرضون لهم 500 ريال بحسب قدرة الأب وراتبه . أنت اسأل لك قاضي وبيعلمك .
________
يا طيب ....إذا جيت تخطب أي بنت راجع طريقتك في الاختيار . صحيح في النهاية الفشل في 1 و 2 ماهو بيدك ولا لك اختيار فيه . بس عدم التركيز في البداية والسؤال المكثف وتصديق كل مدائح الأهل وإحسان الظن المبالغ فيه هو ما أوقعك في الفشلين . فأنت بنسبة بسيطة تتحمل ( برأيي ولا تزعل يا طيب ) .
______
__________________
قال ﷺ ( والذي نفس محمد بيده ما تواد اثنان ففُرق بينهما ؛ إلا بذنب يحدثه أحدهما ) .
التعديل الأخير تم بواسطة ولد الشايب1 ; 04-08-2016 الساعة 04:08 AM