اقتباس:
المشاركة الأصلية كتبت بواسطة زين ابيها
شوفي باقول لج..
الرجال ذوي الدخل المتوسط
او المرتفع قليلاً
فضلاً عن المحدود..
اغلبهم تمر عليهم أوقات قد يمرون بأزمات مادية
لظهور اشياء لا عالبال ولا عالخاطر...
مثل حادث لا سمح الله
أو أي شيء...
تمام ؟
ف ممكن يقصرون على بيوتهم بحكم الظرف
تمام ؟
شلون يعني يقصرون ؟
يعني يجيبون الاشياء الضرورية للبيت
اللي احنا نسميها ماجلة الشهر...
ويستغنون عن الكماليات..
لكن زوجج من قبل هالشيء مقصر
ولازال مقصر..
لو عالأقل يجيب الضروريات
و بخصوص الولد بس يهدد
لان يعرف تخافين
لو تقولين له هاك اخذه
كبرياءه بيمنعه يقول لج ما اقدر
بياخذه يومين و بيرده
من يتصل قولي له عيالك يوعانين
اهلي ما عندهم يعطونا عندهم التزامات جديدة
يعني استخدمي التورية وليس الكذب
قولي بدون الحاح كأنج تعطين خبر وتلفين الموضوع بعدها
واذا واحد من عيالج يبجي اتصلي فيه
قولي له الولد يوعان وما فيه شيء ياكله شسوي
اذا قال لج ما عندي
قولي له الله يرزقك يا رب .. شسوي بعطيه ماي وسكر مثلج باقول له هذا اكل يمكن يقتنع و يسكت وبعدها غيري الموضوع
اشتغلي سوي بزنس بس من تحت لتحت بدون ما يدري
|
تدرين يازين
نفففس التصرف اللي قلتيه سويته لما خذاني لمنطقته
كانو يبكون جيعانين بجد واتصل فيه اقوله يبكون
يقول مو مشكله مشيهم لأي شي لين أجي
مانت الساعه 9
قال بجيكم عالسحور الساعه 3
تخيلي
قااااسي ماعنده احساس
والله الذي لااله الا هو مستحيل يجلس جيعان الفتره هذي كلها
سلون لو اطفال!!!
وسالفة دفع مصاريف الاكل لما أصريت عليها قبل لايمشي
صار حتى مصروفي العادي ماعاد يعطيني
يعني ياخذها عناد
المستجدات ... هو مشككني انه يبي يطلق
ويلمح كثير بهالموضوع
ويقول لما اجي يصير خير يصير خير
على غير العاده
معصب وشد عليا حيل بالكلام
صار وده يذبحني مجرد اتصل فيه
ماعلي منه ومن تهديداته
اصلا لو طلق انا الكسبانه وبفتك من شره وأذاه
وعن البزنس اكيد بدون علمه
الله يصبرني ويعين