ان شاء الله يوم الاحد لي زياره للمحكمه عندي موعد للسوال عن ان انتهت العده او لا ، رح يبين لي حقوقي وغيره ، ابوي كلمني وقالي ان الموضوع فيه نفقه متعه و نفقه عده و موخر
واقدر اطلب الي اباه لو وصل 30000 الف والقاضي قال بيعطيج بيعطيج ملزوم لو توصل للملايين لاني تضررت منه ، و القاضي يقول بيدفعه بيدفعه ، لكن انا رافضه، و انا صحت قلت لابوي مابي درهم منهم انا ما احتاج منهم شي لا منه و لا من عايلته انا خذته لدينه مب لفلوسه وتركته لدينه ، لو ابي الفلوس كنت متزوجه من زمان وحالتي مب جي ، وصدق ما احتاج شي وابا اتنازل لوجهه الله ، ابا اعيش مرتاحه ابا احط راسي على المخده وانا مرتاحه ما ابي افكر في هذا وذاك خلاص ، تعبت كفايه حزن ودموع ابا انطلق مره ثانيه، الفلوس لا بتقدمني ولا بتاخرني ،بس ابوي كرر من حقج اطلبي الي تبينه واحسهم يبوني اطلب بس انا رافضه ، لان الفلوس ما رح ترد كسر قلبي ما رح تردني بنت ما رح تزوجني ما رح تشل عني لقب مطلقه ، وانا قلت مابا خلاص ، مب ناقصني فلس الحمدلله و مابي درهم منهم ادري من حقي و الشرع حلل بس ما ابغي احس عزت نفسي ما تسمح لي ، ابغي بس منه كلمه سامحيني يا دانه حلليني يا دانه انا ظلمتج انتي تستاهلين عيشه عدله هذا الي اباه بس ، وابا ربي يعوضني ويبدلني بشي احسن ، وان تكون نيتي صافيه من ناحيه التنازل ، ابغي انا العوض من ربي وان يسرلي حياتي ، مابي في يوم اكون سبب لضيقته او سبب لمشاكله الماديه ، انا انسانه مسالمه ، مثل ما يسرت له زواجي وربي يسرلي كل شي ووراني حقيقته وحفظني من كل مكروه ابا ايسر عليه كل شي حتى فطلاقي ، ابا ربي يسرلي في اموري ويسعدني مثل ما يسرت له و دخلت وطلعت بشي زين وتركت وراي اثر طيب ، ان ربي يسعدني و يهديني من كل خطا ويستر علي و يرزقني الزوج الصالح الي يقدرني و يرد جميلي ، ما ابي حد في يوم ينطق ان فلانه خذت منه درهم ، لاني حتى وانا على ذمته وربي ما كنت اطلب منه الي يجي منه الحمدلله ، ما بي نفسي تكون طماعه للدراهم ابا اكون مرتاحه نفسيا اغمض عيني وانا ما افكر الافنفسي ، ما افكر من وين له هالفلوس / هل هو مديون / هل في مازق / وضميري يعورني / لان لين الحين ساعات احاتيه / ابا راحه البال


انتو معاي ؟ شو رايكم في التنازل هل فيها شي ؟ هل ممكن عايلته يتكلمون عني؟ كيف اقنع الوالد والوالده والقاضي ، لان والله بكيت بحرقه يوم قالي انا مب محتاجه فلوس انا محتاجه حد يرد جميلي حد يطلبني اسامحه حد مكسور علي مب ظالمني و فوق هذا ما يعتذر لي ، ابا اقول للقاضي ان ما راح اخذ ولا فلس بس كيف اوصله ؟
انا ابا اتنازل عن كل شي لوجه الله ، لاجل ربي يسرلي اموري ويعوضني بالزوج الصالح عاجلا غير اجل

وان شا الله بعدها بيتسكر موضوعي و انطلق لحياه ثانيه باذن الله واشاركم في افراحي