منتدى عالم الأسرة والمجتمع - عرض مشاركة واحدة

08-08-2016, 01:20 PM

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: فصلٌ جديد

اقتباس:

المشاركة الأصلية كتبت بواسطة ظل الياسمين1989

ماقرأت كل الردود فإذا فيه تشابهه في الردود مايخالف
أنت يامهرة حساسة وقي نفس الوقت تدققين على اصغر الأمور وهذا الي يتعبك
وكمان كبريائك مشكلة أخرى
زوجك يحبك ومشتاق لك أدري فيه أمور وتصرفات مايعجبك فيه والإنسان مهما كان مافيه أحد كامل
أنتي اهتميتي بالهدية أكثر من الشحص نفسه
وبعدين كيف تجيبين هدية لشخص أنتي صديتيه وتبين الطلاق منه؟؟؟!!!
ماأدري يامهرة ماني فاهمتك
ختى لو هو طلب الهدية وانكسر خاطرك بسبب انه رفض الهدية
أنتي تحبينه يامهرة بس تكابرين
لو انك ماتحبينه ان كان ماهمك اذا رفض الهدية او قبلها
حددي موقفك أنتي وش تبين بالضبط

طوال الشهور الماضية ما كان في علاقة خاصة .. لكن وضعنا كان مستقر وهادئ.

في يوم الأم الماضي بدأنا تجهيزات الاحتفال بأمي (أم زوجي) .... زوجي وقتها علّق: والأب حليله ماله شي .. لا احتفال ولا هدية؟!

كان يمزح طبعاً ولا هو منتظر احتفال ولا هدية .. ولا يهتم أصلاً بهالأمور .. ولا حتى يقدم هدية لأمه.

رحت اشتريت كيكة وهدية لأمي (أم زوجي) .. وعملت باقتين ورد لخوات زوجي المتزوجات باعتبارهن أمهات .... يومها عملت باقة صغيرة لزوجي وطلبت من عيالي يقدمونها لها تقديراً له كأب.

كان هدفي تعزيز الهدوء اللي نعيشه .. وإضافة لحظات حلوة نتقاسمها كلنا مع بعض.

نعم الامتناع عن العلاقة كان حل جيد لي نفسياً .. لكن في نفس الوقت كنت أعتقد أن باقي جوانب حياتنا ممكن تكون مستمرة ولطيفة وفيها شيء من الود واللفتات الحلوة .. وهو سايرني في هذا .. ما صدني ولا رفض باقة الورد لأني ممتنعة عن العلاقة الخاصة.

عشان جذي فكرت في الهدية هالمرة.

__________________

اللهم طِيبَ الأثر .. وحُسْنَ الرحيل.