اقتباس:
المشاركة الأصلية كتبت بواسطة كنافة بالجبن
لا والله ما ارد.. انقهر واسكت..
أصلا تعودت على لسانه الجارح..
وبعض الأعضاء اللي ماتابعوا موضوعي
يظنون اني تركت البيت.. لا ابدا..
هو نزلني عند اهلي ليلة العيد
وراح مع أصحابه رحلة سياحية برا البلد
وقبل يسافر اخذ مني مفتاح البيت
ورجع كلمني وقال اول يوم تعبان ما اقدر اخذكم
ثاني يوم قال معزوم بالليل ما اقدر اخذكم
ثالث يوم صرخ علي وقفل الخط بوجهي
حاولت اكلمه قفل الجوال
أرسلت له كلام اعتذار حتى الطف الجو
قال تتصعني الطيبة والحب يا منافقة يا خبيثه
تركته
أسبوع كامل ما سأل فينا ولا مر ياخذنا
سألوني اهلي ايش القصة؟
خصوصا ان ام زوجي قالت كلام غريب لامي
قلت لها والله يا الغالية كيت وكيت
انفجعوا اهلي من اللي صار
بعد أسبوع دقيت استأذنه اخذ اغراضي
قال هذا اللي يهمك وقفل الخط بوجهي
بعدها سافروا اهلي وجلست لحالي بسبته
بعدين صار يرسل رسايل سب وشتم
مارديت عليه ولا على اتصالاته
وهو مستمر برسايله المعفنه
ويهدد اذا مارجعت البيت بسكات ياويلي وسواد ليلي
طيب يا محترم انا ماتركت بيتك!!!
واذا بتاخذني خذني بالحسنى!!
مدري هذي صعبه والا ايش!!
|
مادام هو وداك عند اهلك ذوقيا هو يمر وياخدك
الله يعينك ياكنافه ويصبرك زوجك طفل وانتي اعقل منه بكثير
حتى لو هو راح يشتكي عند اهله وطلع كلام كله كذب وافتراءات معليك منه ربنا فيه وراح يظهر الحق
معليك من اهل زوجك الي يبغى يتدخل ويصلح يسمع من الطرفين مو يسمع طرف واحد فقط
حرام نطالبها بتغير وتنازل طيب ايش تسوي اكثر من كدا سب وشتايم وتاركه عنداهلها اكثر من شهر ماطلبت منه غير يتفاهم مع ابوها وهدا من ابسط حقوقها
ياناس كنافه تنازلت كثير وتغيرت كثير هي انسانه قياديه وشخصيتها قويه وواضحه مافيها لف والدوران ولا عندها كيد الحريم
أصعب شي لمى احد يحط صفات وعيوب ماهي موجوده فيك وكلها كدب وافتراءات
هم وصلو لمرحله لازم احد يتدخل بينهم وتنحط النقاط على الحروف
لكن يعيد مشاكل صارت من سنتين واكثر ايش دا؟
وضع متعب ويجيب الهم كل ماتزعلنا عاد نفس الشريط والاسطوانه