اقتباس:
المشاركة الأصلية كتبت بواسطة سموره ☆
.. اشكرك لردك علي رغم اشغالك ...
انا قلت بيني وبين نفسي حتى لو مارجعها مارح اطالبها لانه مو مقصر معي ...
كان يحاول يستفزني .. يعني يقول مارح ارجعها ...بسرقها منك ... لا تثقين فيني ... غريبه عطيتيني من غير ماتسألين ... بتزوج فيها ... دفعت المهر للثانيه ... ومن هالكلام ... بس حاولت اكون هاديه واعطيه كم كلمه على اني اثق فيه ... مع اني بداخلي متخوفه ... زوجي من النوع اذا عطيته الثقه فيخجل من حاله ومستحيل يخون ثقتي فيه ... وهالشي استغليته لصالحي بأشيا كثير وبستغلها في المستقبل بإذن الله ... اضافة بكون حذره ...
المشروع على حسب مافهمته " مدري اذا فهمت صح او غلط "
ان هو وابن خاله فتحوا محل صغير ومعهم شخص يصنع حلويات شاميه في البيت ويبيعوها وزياده يشتروا من محلات ثانيه ويبيعوها بمحلهم ... مو فاهمه الخبصه عدل بس تقريبا كذا ... زوجي دخل بالنص وابن خاله النص .. الحين زوجي يقول انه مايقدر يدفع بحاجات لوحده عشان كذا يبغاني ادخل بالربع وهو الربع وارباحي بالربع لي ...
يقول ان بشهر واحد المحل اشتغل شوي ولسى في البدايه كيف بعد سنه بيكون افضل ...
ماقال لي الربح كم ... بس يقول ان مشروع ممتاز ...
يبغى مني 35 الف اذا بدخل معهم او 40 ...
هو اخذ سلفه من أخوه وقال ان اذا انا مادخلت اخوه بيدخل معه ... وانه يبغاني انا اللي ادخل ... وكلام كثير ... مره اقول بدخل ومره اقول لا ... كيف اضمنهم ووو ...
قاعده احاول قد ما اقدر اني ماخلي الفلوس تسوي حاجز بينا .... والحمد لله قدرت ارجع علاقتنا مثل السابق ...
اشكرك مرة أخرى... جزاك الله خيرا ... وحفظ لك اهلك ..
|
الاستفزاز يستعذبه بعض الأزواج على زوجاتهم، خصوصاً مثل بتزوج عليك
أما قوله باسرقها ماراح ارجعها لك، اقلبي الطاولة عليه وقولي واثقة فيك بترجعها، ولو مارجعتها حلالك << هذا إذا كان ينحرج من هالاسلوب، إذا ماينحرج ويفرح مايصدق خبر أنك قلتيها عشان مايرجعها لا تقولينها وبعدين تتوهقين
كون عندك مال، فلا تبخلي به ببعض المساعدات سواء بطريقة مباشرة أو غير مباشرة لزوجك، وضعي مبلغ سنوي يسير يكون للتعاون والمساعدة مع زوجك عشان مايشعرك أنك مسنترة على الفلوس وأنك متوجسة، يعني خليك طبيعية واعطي بشكل معقول.
شخصياً أرى أن الشراكة المالية، وخصوصاً مع زوج لايوافيك بالتفاصيل أول بأول غير مناسبة، ويحب أن يعطيك فقط طرف خبر، ليجعلك جاهلة بما يجري للعمل، وربما تسبب لك قلق وتاخذك الافكار شرق وغرب بالذات لو تمت خسارة لاسمح الله، وينعكس سلباً على حياتك، وعلشان مايتعود كل ماطق عودن عود قال خل ندخل مشروع، فلا تعوديه على العطاء المفرط، وخليه يتعود أو يتوقعك رفضك لبعض اقتراحاته إذا كنتي ترين أنها غير مجدية.
ومادامك تعرفي زوجك زين فهذا شي كويس، مثل لما قلتي لما أعطيه الثقة يخجل، أنتي أعطيه الثقة وخليه يطير بثقتك فيه، وأنتي مو خسرانة شيء بل كسبانة، بل هذا من الذكاء.
سؤال /
زوجك اللحين مايبيك تشترين أي شي للبيت من فلوسك؟ وإذا كان الجواب نعم، وش تفسيرك لهذا السبب؟
مايطلب منك يقول عطيني أو بجيب أغراض أو غيره؟