قررت اني اتعامل مع زوجي
بنصيحة اختي علو الهمة كيد الحب
المديح والرضى بالقليل والكلمه الطيبه .
لحين تهدأ الامور
وبدأت بهذا الاسلوب والحمدلله هدأت الامور بيننا ..

ولكن يقلقني موضوع السكن
زوجي مستأجر لي بيت صغير تحت بيت اهلي
ولما يسافر اجلس عند اهلي لحين عودته
المشكله انه مايقضي للبيت من أكل وشرب
الا الشيء القليل
ولما أطلب منه يحاول يصرفني ومايلبي طلبي
مره كلمت والدي الله يحفظه
وطلبت منه يوصلني السوبر ماركت أقضي للبيت
قال ليش زوجك مو موجود ليس تقضين
اعتذرت منه وقلتله حاسه بثقل جلستي
عندكم الدائمه مهما كان زوجي مسؤول عنا
زعل
وقال انتي بنتي وفي عيوني وغاليه
لاعاد تعيدين هالكلام
ورفض هالمنطق والتفكير..
اعرف اهلي ومحبتهم واكرامهم

ولكن شيء في نفسي يخيفني
بأن زوجي خلاص تعود وممكن انه مستهين بحقوقي وبمسؤوليته اتجاهي انا وعياله
اشعر بالقلق ومااعرف كيف التصرف الصحيح
خصوصا اني لاحظت زوجي صار
مستفيد من هالطريقه وخلاص كذا أوفر له
وأريح له وانه مستحيل يفكر بنقلنا عنده
مو عارفه وان شاء الله اكون وضحت لكم الصوره وفهمتوني..

اعتذر على الاطاله..