صديقاتي دكتورات في الصحة النفسية هم قريبات مني كثير
تكلمت معهم في وضعي واساساً عاشوا معاي في ظروفي بحكم اننا صديقات وبيننا عشرة

قلت خلوني أبعد عن صديقاتي واستشير دكتورة سنها كبير ولها خبرة في هذا المجال

تعرفي وش قالت لي ؟؟

قالت ليش انتي حزينه ؟؟ ليش ماتعيشي حياتك انتي لسه في سن الشباب ؟؟
ليش تحاسبي نفسك على نصيب انتي مالك يد فيه ..

يا زوتا اعطيك مثال بسيط وابغى جوابك ..

لو حضرتي حفله وكنتي لابسه فستان ضيق مو قادره تتنفسي منه من كثرة الضيق انتي مو مرتاحه فيه
والناس كلها تمدح في فستانك وانه جميع ومن هذا الكلام

ووش راح تسوي ؟؟
قلت راح اطلع من الحفله وارجع البيت وأغير فستاني ..

قالت برافو عليك يعني ماراح تهتمي لكلام اللي حولك .. وراح تمشي وراء اللي تشوفيه ويريحك .. أهم شي راحة نفسك
وانا أشوف انك انسانه تستحقي الأفضل .. اتخيلك تتزوجي شخص نادر ويناسبك ويناسب طموحاتك واخلاقك اكيد راح تنجبي أولاد وبنات فيهم خير وصلاح للأمة لأني متأكدة انك راح تتعبي في تربيتهم .. تاريخك اللي حكيتيه لي يستاهله شخص مناسب ..

فليش تجلدي ذاتك .. خذا نصيب وابتلاء من الله وأراد ربي لك الخير ويمكن عشان تتجهي لطريق ثاني في حياتك يناسبك

عيشي سنه سعيده ولا تعيشي الدهر كامل تعيسه وتحاولي تصلحي شي فاسد ..

كلام هذي الدكتورة أثر فيني صح ..

وعملت بنصيحتها في أمور اختيار شريك الحياة .. لكني أعاني حالياً من أمر جديد أتى بعد مرحلة الطلاق والمرور ببفترة الاحساس بالانكسار ونحوه أعاني حالياً من قلبي الذي تغلب على عاطفتي بشكل كبير جداً
وهل أنا سأنفع مستقبلاً في الأمور العاطفيه أم لا ؟؟

قوة قلبي الحالية وفقداني لفطرتي هي اللي متعبتني فقط

__________________

(( لا شيء يجعلنا عظماء سوى ألم عظيم ))