المشاركة الأصلية كتبت بواسطة اسأت الاختيار

كنافه يالغاليه موضوعك استفزني وسجلت دخولي بس عشان ارد عليك

اذا تذكرين سبق وقلت لك شخصية زوجك مطابقه تماما شخصية الشخص الي كنت متزوجته تماما كنه توأمه ، يعني حتى الكلمات نفسها وطريقه تهجمه وقلبه للحقائق وحقده كل شي
ومن خبرتي استنتجت ان هذه من اصعب الشخصيات الي ممكن تتعاملي معها لان شخصية بالمختصر مايدري وش يبي في الحياة الي يعجبه اليوم بكرا يكره والعكس صحيح يتأثر اكثر شي بالي حوله ومحيطه من اصحابه واقاربه وما يجذبونه من الشخصيات الا الي فيهم لمحة من افكاره المغلوطة في مفاهيم الزواج ودور الزوجة وطريقة تعاملك معها هالاشخاص ياثرون فيه بشده

وبصراحة دوامة المشاكل لن تنتهي اذا حاولتي تفهميه ولا تمسكين عليه كلمة قالها امس ، او كلمة قالها وقت عصبيه حتكون حياتك جحيم زي ما انتي حاسة فيها الحين لانه مستحيل يعترف بغلطه موته ولا اعتراف بالغلط

لذلك بما ان في خاطرك انك ودك تستمرين معه وهذا الاصح لان عندك اطفال وحياتك بعد الطلاق لن تكون اسعد من حياتك معه

الحل معه واحد من الاثنين يا انتي تتغيرين يا انتي تتغيري
حلين لا ثالث لهما هو مافي امل منه لازم تتقبليه ولا تتشكي منه العود من اول ركزه وهو عوده اعوج وانتي مستحيل تقدرين تعدلينه وهو بهذا العمر ممكن يتقوم شوي لكن لن يعتدل ويصير نفس الي ببالك، مفروض تكوني حفظتي كل اساليبه ف المشاكل كلها تشبه بعض وكلها محاولات للتنقيص فيك لان هذا شعوره الداخلي تجاه نفسه ويفرغه فيك لذلك حاولي في نفسك بكل الطرق انك تتغيري معه حسب شخصيته واهم صفة لازم تقللي منها عزة النفس وكلمه نفسي تعز علي التنازل بين الزوجين هو صابون الحياة الي يمشيها بسلاسه لان زوجك مثل الطفل العنيد الي اذا عاندتيه راح يخرب ويزعج ويأذي نفسه ويأذيك اما اذا ساسيتيه ومشيتيه راح يكون معك زي العسل

عارفه ياقلبي انك تنازلتي كثير لكن حاولي ماتتنازلين عن اي شي تنازلي عن الاشياء الي متاكدة ان هو مستحيل يتنازل فيها مثل هالموضوع الي بينكم الان يعني اذا كان بخاطرك انك ترجعين له كان ماطولتي للحين ومشيته بالكلام والمسجات وكلمتين حلوة بتجيب راسه وبيقولك انتظرك تحت بعده عاتبيه براحتك لما تكونو ف البيت لحالكم اما اذا تتدخلو الاهل هو بيعاند وانتي بيصعب عليك التراجع زي الوضع الان لكن اسال الله ان يصلح حالك ويلم شملكم ويكتب لك الي فيه الخير

ادعي كثير الدعاء سلاح المؤمن واستخيره في امره بصراحة ما الومك باي قرار وتاكدي ان القرار قرارك زوجك واعذريني اجبن من انه يتخذ قرار لحاله الا بدفع من احد سواء احد يحرضه او ينصحه