اختي الله يجبر بخاطرك ويعينك على هالحمل..

انا تطلقت ومعي 3 اولاد، طلعنا من البيت فجأة ولما وصلنا لمدينة اهلي أخذت بنتي عندها 7 سنوات وابني 4 سنين، فهمتهم ان نحن ماعاد نرجع عند بابا، هم بيضل ابوهم وانا بضل امهم، بس نحن الاثنين مانقدر نعيش سوى، لكن راح يشوفوه ويحكو معاه .. بكوا شويه بس سألوني اذا راح يشوفوه عن جد وعدتهم فيهم يزوروه ويتصلوا عليه..

وخلاص فهموا الموضوع اساس ابوهم كان يغسي بسبب الشغل فتعودوا على غيابه..

أهلي كانو عوض جميل عن ابوهم لانهم ما تعرضو للفراغ مره وحده لاقوا الجدة والجد والاخوال وانا مابقصر معاهم وسجلتهم بالروضات وحكيت مع المدرسات عن الوضع مشان ابني لانو حساس كتير.. والحمد لله الامور تمام بس انتي لازم تصارحي ابنك، راح يزعل شوية بس بيفهم الموضوع و بتقبل الوضع، اما هيك بيضل متأمل انكم راح ترجعوا ومو فهمان شو صاير.. فهميه بطريقة ستفهمها اهم شي انك انتي وابوه ماعاد تعيشو مع بعض وهالشي بيحصل مع الكبار وانكك بتحبوه كوني واضحة وحازمة في مسألة الفراق. شيلي التشويش والاسئلة من عقلو الصغير..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم