رد: هل وظيفة الزوجة غاية أم وسيلة
بحكم إني موظفة ومتزوجة بقولك رايي بكل شفافيه وصراحة يمكن كلامي يزعل أحد بس هذا حسب اللي انا اشوفه ولمسته حولي :
المرأة الموظفة بغض النظر عن الأمان والماده و و و تختلف إختلاف جذري عن اللي في البيت ،،
1- إختلاطها اليومي بالناس وخروجها ودخولها وعلاقاتها في المجتمع يجعلها أفضل في كل شي ،، مدركة لكل شيء جديد ،، حتى سوالفها مختلفه متنوعة ،، خبرتها أكبر وإطلاعها أكبر لأنها تقابل شرايح مختلفه وتحتك بالناس
2- إهتمامها في نفسها أفضل بمراحل لأن خروجها اليومي ومقابلتها اليومية للناس بتخليها حريصه طول الوقت ان لبسها متنوع وجيد وان شعرها بصحه افضل وتهتم ببشرتها وآخر العطور عندها ونظافتها أفضل و و و و
وهالنقطة المستفيد منها الاكبر الزوج
3- حتى الأمهات والله اشوف الموظفات تربيتهن افضل ولبس عيالهن افضل وحريصة ان طفلها يتعلم زين ويلبس زين ويتكلم زين و و و
4- حتى في المشاكل ربة البيت فاضية ماعندها الا هو وعياله تركيزها عليه وش قال وش جاب وش قصر فيه وش قصده يوم قال كذا و و و الموظفة مشغولة في عدة اهتمامات يعني مو فاضية بس تركز فيه وفي عيوبه
5- آخر شي بتكلم عنه الماده وفعلا اكثر مشاكل الزواج اللي تكسر ظهر الرجل الماده ووظيفة الزوجة تزيد حتى الرجل قوه او اضعف الاحتمالات بتريحة من عناء طلباتها الكثيرة
ربة البيت مختلفه تماما ومستحيل تتميز بهالشخصية
نرجع نقول ان كل شيء نسبة وتناسب يعني لاتجيني اللحين وحده مدرعمه تقول انا اعرف وحده وهي كانت و و و اكيد فيه تجارب وقصص شخصية واكيد فيه ربات بيوت رائعات وفيه موظفات مهملات لكن مجملاً هذا اللي انا أشوفه في المجتمع
ويرجع الأمر الأهم لشخصية الزوج أي نوع يفضل ؟
التعديل الأخير تم بواسطة أبله دلال ; 27-08-2016 الساعة 05:51 AM