رد: الشك يأكلني بسبب موقفين لزوجي
اقتباس:
المشاركة الأصلية كتبت بواسطة روان .
صادق والا كاذب هذي بعلم ربي
المفروض دام في احتماليه يكون صادق.. تبعدي الشك
خصوصا انه ماتغير عليك بشي
وجالس يبرر لك ويحاول يقنعك بصدقه
وهذي بحد ذاتها نعمه عظيمة
ياختي لا تدوشي راسك وتجيبي الشك لنفسك
ولو لاسمح الله اخطأ ترى غلط تواجهينه
انتي كذا تنبهينه يأخذ احتياطاته
اسلوبك غلط
|
كثير قالوها لي , المفروض ماتبيني له انك فاهمته ,
لكن وربك ساعتها التفكير يضيع وانسى نفسي
حتى تنفسي يصير صعب .. ما اقدر اجمع نفسي
كل شي الا الاستغفال بالنسبه لي!
ليته اعترف وريحني وجاني رجال صادق وده بالسماح ووده انه يعوض خطأه
لا! هو حسسني اني مغفله ومحسس نفسه انه هو الصح وما انقلب عليه بشي
وبكذا ما انحل ولا شي , لا عرفت الحقيقه , ولا هو انتبه انه هالشي خطأ احمر
وانه نهايه لحياتنا , ولا انا اللي ارتحت وريحت راسي!!!
عايشه باوهام وشك كل منه , وهو مبسوط ومرتاح وانا اللي اتعب ,
وللاسف هو حاسس بهالشي!
ودايم يقولها لي , انا زعلان عشانك انتي تتعبين ولا انا عايش!