مساء الطيب
احس بثقل بصدري وبفضفض لأسرتي اهنا
بعد ماتزوجو اخواني واخواتي وانا انفصلت عن خطيبي ( هو تركني)
صرت الشغل الشاغل لوالدتي ووالدي الله يحفظهم
والدتي كل مناسبة تجي اجباري احضر المناسبة
سواءً خطبة او زواج وانا مااحب احضر اي مناسبة الا وانا في خاطري احضرها
ما احضر لغرض تشوفني حرمة وتخطبني لولدها او لاخوها او لمعارفها .
احس بالاحراج من هذا التصرف.وجدتي ماتقصر اذا شافتني تسحب حرمة وياها
وتقول هاذي بنيتي ماتزوجت 😂😓 والحين خواتي
الاصغر من جاينيهم عرسان ولما امي قالت لأبوي
قال لها و ابتسامة( يعني انا) قالت لها شافوها واعجبتهم
لكن الخطاب واحد عمره 23يناسب الي عمرها17والثاني25يناسب الي عمرها18
انا مو حامله هم زواج خواتي فرحانه لهم لكن مااحب اكسر خاطر احد
ماودي احد يشيل همي ، واليوم جايتنا دعوة زواج بنت عمتي مطلقه وعمرها20
على رجل لم يسبق له الزواج واشوف نظرات اهلي لي وكأنهم يقولون اي وانتي!!؟؟؟
والله تعبت من هذا الموضوع،، اشتركت بنادي رياضي كـ نوع من الترفيه واللياقه ،حتى مايمر يومي بالفراغ،اقرا بعض الكتب ،وقبول في الجامغةغه الى الآن ماجاني ،،
بـودي انشغل ومايصير عندي وقت فراغ ..احيانا حتى ماجلس معاهم واسمع نفس الاسطوانه ادخل الكراج اغسل سيارات أبوي والعب بالماي اهم شيء يعرفون اني موجالسه بروحي وافكر بمسألة الزواج مثل مايظنون,ودوم اضحك,,
احس براحة الحين..😃😃😃😘

__________________