اقتباس:
المشاركة الأصلية كتبت بواسطة لست كغيري*
طيب اختك قالت لك إنها كانت تهدده تطلع عليه اشاعات إذا ماتواصل معها .. ليش بررتي لأختك بمرضها النفسي وسامحتيها وماسامحتي زوجك إللي تمسك فيك وماأستجاب لرغبات أختك!!!
ياأختي أنا عارفة قد إيش الخيانة صعبة خاصة إذا كان زوجك يخونك مع أختك .. لكن بالنهاية الشيطان موجود واللي حولك ماهم ملائكة عشان تعصمينهم من الأخطاء لدرجة إنك منتي قادرة تسامحيهم أو على الأقل تتناسي وتعيشي حياتك .. أنتي أم لطفلين وزوجك شاري رضاك واعتقد السنة اللي تركتيه فيها كفيلة بإنها تجعله يفكر ألف مرة ومرة قبل لايفكر يخونك مرة ثانية لاسمح الله .. أنا ماأقولك أنسي لكن أعطيه فرصة وحاولي وفكري في مصير أولادك وفي حياتك الجميلة اللي إن شاءالله راح تعيشيها مع زوجك مستقبلا .. لاتتركي للشيطان عليك مدخل .. استخيري وأعطي زوجك فرصة وأعطي نفسك فرصة .. صدقيني لو رجعتي ومارستي حياتك الزوجية بين أطفالك وزوجك نفسك راح تترتاح وترجعين شوي شوي تتأقلمين وتبدين تنسين .. أنتي كل مرة تحاولين وتترددين وتتراجعين .. هالمرة تشجعي واقدمي بعد الاستخارة وربي يختار لك الصالح والخير يارب..
لاتنسي قول الله تعالى( وإن تعفوا وتصفحوا فهو خير لكم ) احتسبيها عند الله .. ماتدري قد إيش راح تحسي براحة نفسية عظيمة وقد إيش ربي راح يجازيك خير الجزاء وتلاقي هذا الشيء بالتوفيق في حياتك مع زوجك وأطفالك .. أفعلي هالشيء أولا وأخيرا ابتغاء لمرضاة الله وللحصول على أجره العظيم وراح تشوفي النتائج .. الله يفرج همك يارب
|
اختي مريضه نفسيا وعمرها صغير وهي اصغر مني بسنتين اشفقت على حالتها كانت على حفة الجنون وزاد حالتها عندما احست بالذنب وفاقت على نفسها
اما هو عاقل وعمره 27 المفروض يبعد حتة لو هددته كان يقدر يكلمني من البدايه
ابغى انسى عشان اقدر ارجع له