لما تسألين الشباب مجرد سؤال عن حلمهم بزوجة المستقبل ثلاث ارباعهم يبونها صغيره وجميله جدا

ولما يجد الجد وينوي الشاب يفتح بيت ويبدأ يتخيل أسرته تتغير نظرته للأنثى ويصير يتمناها أنثى حقيقية وفقط

هذي أرزاق ربي كاتب رزق كل انسان وشقي أم سعيد
الصغيره الجميله يمكن ياخذها شهواني يستمتع فيها واذا صار عمرها 30 جاب اللي احلى منها
أو يكون ناضج ويعجز يفهمها ولا تفهمه وتتكون بينهم فجوة من أول سنة تكبر مع تقدم السنين لا اهتمامات مشتركة ولا أفكار متقاربة

والقبيحه الكبيرة يمكن ياخذها واحد خلوق يقدر الحياه الزوجية واختارها بسبب اعجابه بأخوانها أو رده من اكثر من بيت ثم يصير يموت عليها ويدللها دلال ماحلمت فيها أجمل جميلات الكون

الله عادل وموزع الرزق على الناس من غير عشوائية
لا تشيلين هم نفسك ، ادعي ربي بالسعادة والرضا دنيا وآخرة
الدعاء هو الذي يرد القضاء فقط

وشوفي حولك متأكده بتلقين صغيره تطلقت وكبيره طاير فيها زوجها وجميلة تعيسة وعادية زوجها مايشوف غيرها والحمدلله أن الرزق بيده وحده