عواطفك هي الي قاعده تتكلم الان
وعقلك خلاص اختار تكونين ام
هذا امر سلمنا منه ونتفق انا وانتي عليه صح
نجي نناقش الي بعده
سؤال.. لكن بدون عواطف ودموع
الشهاده ودخول الجنه خير
او جلوسك معه ومدارات عواطفه خير
اذا مات شهيد يروح لرب كريم ابرك مني ومنك وطليقك اختار الصالح
الانسان كذا او كذا ميت ظنك بيعمر على طول...لكن يموت شهيد افضل مايموت على معصيه
ومسئلت العقم امر ربي اختارها له لحكمه الاهيه واذا صبر له الاجر والخير الكثير
ربما لو انجب اطفال يطلعون عاقين او عصاه يأثرون على دينه ويدخلونه النار
في سوره الكهف ( وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَن يُرْهِقَهُمَا طُغْيَانًا وَكُفْرًا*)
نجي نتكلم عنكي انتي
مشاعرك ..احتياج لطفل وين راحت ؟؟؟
تبين تدوسين عليها وتقاسين الامرين
من الحرمان والاحتياج عشان تمشين ورا عواطفك
يا اختي (المال والبنون زينه الحياة الدنيا )
وربي اكرمك واعطاك مقدره انك تنجبين
اشكري هذي النعمه وتمتعي فيها
سؤال ثاني ...تكونين ام وتحسبن بلذت الامومه ولما يكبرون وربي يهديهم يبرون فيك ويشيلونك في كبرك وتستمتعين بكلمة ماما ...خير...
او جلوسك معه ومدارات مشاعره خير...
فكري بعقل ربي عطانا عقل عشان نشغله في مصلحتنا مهو نرقده ونشغل عواطفنا
وكلها كم سنه تنقطع الدوره ولا عاد تقدرين تنجبين ابدا معه او مع غيره
ولما تصحين ويرجع لك عقلك يبدء الندم وتكرهين زوجك او تتغير معاملتك معه وتقسين عليه تفرغين ندمك فيه
وانتي ما تشعرين
سؤال ثالث...لو كنتي انتي العقيم
هل تتوقعين ما راح يتزوج عليك واذا طلبتي اطلاق يقول ..خلاص خسرت حياتي كلها
ويجلس بدون زواج
اختي
صدقيني هي ايام او شهور طليقك اذا ما استشهد في الحد الجنوبي بيرجع ويتزوج ويعيش حياته
اهم نقطه ...لا عاد تدورين اخباره
انتي اخترتي تكونين ام خلاص انتهينا
تزوجي وتمتعي وانجبي وصدقين مع اول طفل يكون بين يدك راح يكون طليقك ذكرى
مهو شرط ينمسح من الذاكره لانه محال
ان يعتبر لم يكن موجود
ولكن سوف يصبح ذكرى فقط وتتلاشى الاحزان والاشتياق وكل امر يتعلق به
اخيرا
اسعد الله قلبك

__________________