استشاره سريعه تكفون
اهلا بالجميع
بدخل بالموضوع على طول
انصحوني تكفون
بشكل مختصر انامنفصله وسبب انفصالي 100٪ الغلط على طليقي
وصبرت عليه وعلى كل اللي جاني منه
عشان راحة واستقرار ولدي
وبالأخير جازا صبري على نسأل الله العافيه بالطلاق
وحمدت الله وشكرته على مااختاره وكتبه لي
والحمدلله ولدي عندي ومو مقصره عليه بشي ماشاءالله
وكل ماطلب انه يبي ابوه
اخليه يرسله ڤويس نوت او يدق عليه ويتواصلون
اللي قاهرني وذابحني ياعالم
انه ولدي كل ماراح مع ابوه
يرجع لي شي ثاني
يرجع كارهني حاقد علي يغلط علي
اخر مرا اليوم رايح مبسوط ومافيه الا العافيه
وقبل شويات راجع واستقبلته كالعاده عند الباب
قال وخري عني انا اصلا مااحبك
قلت وشفيك ليش ياحبيبي
قال بس انتي لبستيني -- تعورني
وطلعت لي دم
واناظر رجوله مافيها شي ولا حتى جرح
---طبيه ولابسها اليوم عندي ومافيه شي
ولا تشكى منها
قلت ياحبيبي مافيه دم ولا شي
قال الا--- اصلا --- تعور
تخيلووو --- بعد!!!!
وكل هذا وهو يصارخ ويبكي ويقلل ادبه ماتتخيلون
قمت سفهته
قلت الله يسامحك وانا ماراح اتكلم معك
عيب اللي يكلم امه كذا
قال احسن
وتخيلو نام على الكنبه وسفهني
متخيلين؟!!!
والله مو اول مرا ولا ثاني دايم ملاحظه
وحتى اهلي كم مرا علقو على هالشي
يرجع من عندهم طفل ثاني
كارهني انا واهلي
متمادي قليل ادب لسانه ---
يصارخ ويعاند ويجلس لين اليوم الثاني
ويعتذر يقول انا اسف ياماما
وش اسوي طيب انا؟!!!!
اربي واتعب واخرتها بيوم يقلب علي
وش اتصرف
معقوله الولد من نفسه يقلب علي
اذا رجع من عندهم؟!!
استغفرالله والله ماودي اسيء النيه
بس فعلا هالتصرفات غريبه
والا معقوله هذي ردة فعل
بس ليش مايسويها الا عندي؟
المفروض يسويها عند ابوه
لأن هو اللي يستاهل هالمعامله
هو اللي هدم بيتنا على شي تافهه الله يعافيه ولايبتلينا
طنشت هالتصرفات مره مرتين ثلاث اربع
ولكن كل مرا نفس الشي؟
وش التصرف الصحيح؟
__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي
التعديل الأخير تم بواسطة ويبقى الحنين ; 10-09-2016 الساعة 09:06 AM