ماشاء الله على ابنك شو حنون وطيوب الله يحفظه ويخليكم لبعض..

أختي أنا عندي 3 أولاد..

بصراحة.. سببهم وسبب صبري على أبوهم اني كنت أخاف بنتي تكبر وحيدة.. يعني فكرة الطلاق اجت ببالي وبقوة يوم كان بنتي الأولى عندها سنة.. بس كنت اتصور انو بعد الطلاق بنتي بتكون وحيدة.. وما كان بدي ارجع اتزوج، وكمان ما بدي أولادي من آباء مختلفين.. بدي ولدين أشقاء يحنو على بعض وبنتي ما تنحرم من الأب والإخوة كمان... والله العظيم فقط مشان هالشي وقفت المانع مع اني كنت عازمة على الطلاق.. وحملت بابني الحمد لله.. والثالث اجا من الله ولاكان بالحسبان .. الله يحفظهم..

الخلاصة انو مهما سويتي،، الطفل الوحيد صعب تشيلي من نفسه الإحساس بالوحدة والحاجة للأخ.. فأنا شطبت هالاحتمال من أساسه وضيعت سنين من عمري وصرت مطلقة بأولاد بدل ولد واحد.. مع انو لو كان ولد واحد حياتي بعد الطلاق بتكون اسهل والزواج بيكون أفضل بس كلو كوم واحساس بنتي بالوحدة كوم ثاني.. ضحيت بنفسي مشان هي ماتعيش الي بيعيشو ابنك.. بس لو كان عندي تفكير اليوم يمكن ماكنت اعمل هيك..

فمافي حل سحري باعتقادي لكن املئي حياتو ولاتنشغلي عنو كثير.. واذا فيه اولاد اخوانك قراب خليه دائما يجتمع معاهم.. اذا عندو صديق أهله طيبين خليه يجي ينام معاه وهيئي جو حلو لهم مشان صديقو يتعلق فيه.. ويحب يقضي وقت معو.. وحاليا اذا صار يحكيلك جيبي بيبي وبدي اخي قوليلو الله الي بيعطي.. ومابعرف اذا بيجي بيبي ولا لا.. بس كذه سكتيه شوية واصرفي تفكيرهولاتصدميه انو ماراح يكون عندك اخ.. الين يكبر شوية.. يتعود على الوضع الجديد.. وفعلا كلشي بيد الله يمكن تتزوجي ويمكن تتصالحوا انتي وابوه الله كريم.. جيبيلو قطة صغيرة يحن عليها وتحن عليه صدقيني الحيوانات الأليفة بتعوض الأطفال وبتساعدهم.. راح تملي حياتو وينشغل عن البيبي..



ماعندي تجربة بس انا لو مكانك كنت الجأ لهذه الحلول.. وطبعا زي ماوصوك قبلي اقرئي عن الموضوع.. وانصحك تاخذي ابنك عند استشارية أطفال راح تساعد ابنك كثير وتقدر تفهم منو أمور انتي مو قادرة تفهميها، ويمكن تساعدك في علاج سلوك ابنك وكمان تنقذو من عقد نفسية لا سمح الله..

قلبي معك

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم