باختصار الأغلب يعرف مشكلة زوجي "انفعاليته الشديدة"
تقريبا تعايشت أو احاول أن اتعايش مع انفعاليته
خصوصا أنه يجاهد نفسه في الفترة الأخيرة

المهم
زوجي سافر مع اصدقائه أسبوع داخل المملكة
قبل لايسافر كان عندي العذر الشرعي
بعد ماجاء تغير نحوي تغير واضح
واصبح انفعالي جداا ومو طايقنا بشكل واااضح
ولاقرربني وليست من عادته

المهم
ثاني يوم اخذت الطفل الصغير ازور عمتي مع اهلي 100كلم عنا وعنده ال2الكبار
جلسنا تقريبا 3ساعات
وبعد رجوعنا لقيت الصغار فوق بغرفتهم وهو منفعل جدااا ومصدع
أولتها للحظة الأولى انه انزعج من الاطفال
سألتهم ليه ازعجتوا بابا
قالوا اصلا طول الوقت حط لنا فيلم كرتون ولانزلنا
كان ذاك اليوم صعب علي
لدرجة هو يدخل المكان انا اطلع من عصبيته
وبعد ماكمل 4ايام بدون علاقة وبنفس الانفعالية دخلني الشك
وشيكت ع الجوال وانا ماعمري لمسته رغم خيانته لي من قبل
المهم
حصلته فاتح مقاطع اباحية وقت زيارتي لعمتي
ومسوي بحث زواج مسيار
انهرت وبكيت
كيف ضحيت كثييير علشانه ووقفت معاه وصبرت عليه وهو بوادي ثااااني

سويت سيناريو اخذت جواله على اساس بوريه شيء وشفت البحث وانهرت قدامه بس والله رغم انه سيناريو مرسوم لكني انهرت أكثر من قبل
وعدني يترك هالخرابيط
وسكر الموضوع

بس انا مازلت مجروحة تعباااانة انا ماعمري قصرت معه ابدااا
بالعكس الناس مبهروين كيف قدر يتزوجني
والله مااقولها كبر ولاهمني
بس بجد الحمدلله مانقصني شيء ابداا
اقصر احيانا نعم كأي إنسان
بس والله معطيته كل شيء يتمناه
وهو قالها وقت انهرت قدامه انه ماله أي عذر ولاعنده أي تبرير
وأنه بس كان متضايق ومو على بعضه
حتى الزواج العادي معطيته الضوء الاخضر لو حب لكن مسيار ودس وظلام لااااا


الحين انا أحاول اعيش طبيعي بس الحق لا تعبااانة
كل ماعصب اقول الحين بيدور
اذا طلب شيء اقول بخاطري ليش اتعب وانا مو مالية العين

ساعات افكر افتح الملف مرة ثانية لأنه قالي كلمتين وقفل الحوار وانا ماقلت اللي بخاطري
وساعات اقول سكري يابنت ع الموضوع اساسا ماراح ارتاح لو افتحه 10مرات
واحيانا اكتب رسالة اكب فيها اللي بخاطري وارجع امسحها

احتاج رأي حكيم كيف ارتاح وينغسل قلبي