صاحبة الموضوع .. انتي بداخلك عارفه انك لو رجعتي له ماراح تنسي اللي صار .. يعني بتكوني متحامله عليه ومو ناسيه اللي عمله فيك والحقد عليه بيظل ملازمك حتى لو مادعيتي عليه ..

وفي نفس الوقت تجيك أوقات بسيطه يعني كل بعد شهر شهرين ثلاثه .. ينعمل لمخك فرمته بسيطه بحيث كل شي عمله فيك بتنسيه وتتذكري بس اللحظات الحلوه والحميميه اللي كانت بينكم ويبدأ الحنين يتعبك وتنهمر دموعك شوق لهذا الشخص اللي غلط في حقك ..

صدقيني مشاعرك اللي تحسي فيها تمر على كل المطلقات ..
تمر فقط على المطلقات اللي عاشوا مع أزواجهم بكل وفاء واخلاص وحب .. لكن اصابهم الخذلان .. نعم خذلان حطم قلوبهم وكسرها .. لأنهم عاشوا مع ازواج واعطوهم كل مايملكون من حب وفجأه جات الطعنه في الظهر .. جاء الجفاء .. جاءت الاساءة مقابل الاحسان ..

ازواج رموهم وطلقوهم وظلموهم بدون أي ذنب يستاهل ..

تعرفي متى راح تتخلصي من هذي المشاعر المتلخبطه ؟؟!!

أول ما يطق بابك العوض من ربنا
أول مايجيك شخص وتنخطبين وتعيشين أجواء الحب .. لكن هذي المره بتعيشيها بكل حذر

أنا على يقين تام .. انه انتي راح تعطيه كل اخلاصك ووفائك اللي اعطيتيه طليقك .. لأنه هذا طبعك في الاساس.. لكن بتكوني هذي المره حذره اكثر من قبل ..

عوضك الله بالصالح صاحب الدين والخلق القويم ..

__________________

(( لا شيء يجعلنا عظماء سوى ألم عظيم ))