المشاركة الأصلية كتبت بواسطة متفائله200

اختي بعد طلقها ابو بناتها جننها بالرسايل مره سب وشتم ومره دعاوي بالرغم انه هو الي طلق بدون طلب منها فقط لإنها خبرت اهلي بفعايله المهم إنها غيرت الرقم ومااعرف كيف وصله الرقم الجديد ورجع يضغطها نفسياً وقالت لأبويه أنا أبغى أرتاح تعبت من رسايله كم مره أمسحها قبل ماأقرأها لكن ياأبابا أنا تعبت نفسياً قال تخليني أتصرف بالي أشوفه مناسب قالت إيوه
وحرمه من شوفة بناته وقال لأخواني اذا جاء صرفوه بأنه البنات نايمات او برى البيت وجلس ع دا الحال الا أن رفع قضية على أختي وابويه كان ينتظر هذا اليوم وقابل ابويه الشيخ وشرح له كل شي قبل مايجي طليق أختي وطبعاً حكم له 3 ساعات يوم الجمعه والسبت فقط تفاجئ ماتوقع إنه بيكون القرار كذا ولقي تهزيئه من الشيخ
لما جو بيخرجو من المحكمه قاله أبويه يافلان ترى موضعك ومكانتك عندنا أب لحفيداتي فلا تجعلني ألغي حتى هذي المكانه وتراني قادر فإحترم مكانتك وحافظ عليها ولا ترسل لبنتي شيئ والي سويته كان بقصد عشان تتأدب والورقه هذي الي وقع عليها الشيخ رح أعتبرها ماهي موجوده إذا تركت بنتي في حالها خذ بناتك متى تشاء بدون مشاكل ووجع راس
ومن يومك ماله حس حتى بناته ياخذهم قد ماكتب له الشيخ مايزيد ولا ساعه

الشاهد خلك قوي في الحق ياالوحيد ولا تعالج مشاكلك بالتطنيش فقط