عزيزتي ..

المشكله بمجتمعنا إذا عرفوا ان سبب طلاقك هو خيانه بتويتر
بيقولون عقلها صغير وليش تهدم بيتها عشان جوال

هذا مجتمعنا ودامك عايشه فيه لازم تتقبلي انتقاده
سبب طلاقك ماراح يكون مقنع حسب تفكير المجتمع ونظرته لغلط الرجل
أغلاط الرجل مغفوره في حالة كانت مثل غلطة زوجك الحاليه ..

تخيلي معاي وقع الطلاق !!

راح يلومونك .. كان صبرتي وتحملتي .. ومصير الرجل يغلط ويصيع ويكلم ويخون بعدين يرجع لزوجته ..
الرجال مايحب الا أم العيال .. والباقين تسليه ومن هذا الكلام اللي لا يودي ولا يجيب
بعد الكلام ذا انتي راح تتعبي نفسياً ويبدأ الشيطان يوسوس لك وتندمي على اللي صار

شوفي دايماً اقولها للبنات
هالسيناريو لازم يحصل بعد كل حالة طلاق
وكأن ربي ماخلق غير ذا الرجال
والمفروض وغصب عليك تتحملي أغلاطه ..

عزيزتي في النهايه
أنا لا أوافق المجتمع في الكثير من عاداته
ولكن ردة فعل زوجك طبيعيه
هذي ردة فعل الخائن .. مستحيل يعترف بغلطه
هو عارف حجم اللي سواه .. لكن عزت عليه نفسه انه هو الرجال القائد صاحب الهيبه يعترف لك ويقول لك ندمان ..
نفسيات وش نسوي ؟؟!!

لكن نصيحتي لك حالياً اصبري لغاية ماتهدأ الأمور وحاولي ترجعي معاه وتشوفي إذا ندم كان بها ولو ماندم واستمر ع خرابيطه ذيك الساعه لا أملك أن أتحكم بقلبك وأنصحك تعيشي معاه ..

أغلب ردودي لا أنصح فيها بالطلاق لأجل الأولاد فقط
في نظري أضحي عشان ولدي
ودامي انسانه واعيه ومقتدره .. يصطفل أبوه ويروح في خبر كان
أهم شي عندي عيالي أربيهم أحسن تربيه ..

__________________

(( لا شيء يجعلنا عظماء سوى ألم عظيم ))