السلام عليكم ورحمة الله وبركاته
مدري الحقيقه اي قسم يناسب مشكلتي او بالاصح فضفضتي

لاول مره اعترف انفتن قلبي ولي كم اسبوع وانا اجاهد ولكن اعترف اني حاس اني اضعف مع كل محاوله جديده
باختصار انا كثير اتعرض للفتن والحمدلله ماسك نفسي وعارف حدودي ومبعد حتى مع المحاولات اللي اشوفها من التقرب ابعد مهما كان درجة جمال الطرف اللي يحاول

ولكن قبل كم اسبوع حصلت لي قصه قلبت حياتي وهي اني وانا بالعمل كـ العاده اباشر عملي وانا اعمل في المطار
وصلت رحله وكانت معهم مسافره جميله جداً وجسمها فاتن جداً جداً وكانت مركزه فيني بطريقه غريبه وكأنها تعرفني انا غضيت بصري او بالاصح اتظاهر بغض البصر وكنت المح بطرف عيني انها مازالت مركزه ونادتني لو سمحت ممكن تساعدني على الشنطه لانها ثقيله وفعلا شلت الشنطه لها وحطيتها بالعربيه المهم مشيت ورحت وبعد هالسالفه بيومين جاني اتصال من رقم غريب ومارديت وبعد تكرار الاتصال من نفس الرقم رديت كلمتني وحده صوتها يسحر بصراحه قلت مين قالت انا اللي بالمطار اللي من كم يوم ساعدتها وشلت عنها الشنطه وحبيت اشكرك انصدمت بصراحه منين جابت رقمي قلت لها كيف جبتي رقمي قالت لما طلعت فيه عسكري على باب صالة المطار قلت له لو سمحت انا طاحت لي اسواره عند الموظف الطويل هذا وانا مستعجله الحين لازم اروح وش اسم الموظف عشان ارسل اخوي له العسكري عن حسن نيه قالها اسمي الكامل وبحثت بالنمر بوك وجابت رقمي بصراحه حتى ابليس ماتجيه مثل هالافكار
المهم قلت لاشكر على واجب وكان بامكانك تشكريني بنفس اللحظه ومافيه داعي لهذا كله
قالت تبي الجد قلت ايه قالت انا اول جيت من السفر وشفتك وماقدرت اعرف شي عنك وانا ابيك !! وهالمره لما شفتك قلت لايمكن اخليك تروح من يدي مره ثانيه !!
المهم انهيت المكالمه وانا بالي مشغول بصراحه
وصارت تتصل كثير وماارد وعطيتها حظر وترسل من ارقام ثانيه رسائل غراميه وعشق وانها مستعده تسوي كذ وكذا عشاني
وطبعا ماارد وبلوك للرقم اللي يجيني منه رساله
ولكن المشكله اني بديت اضعف وافكار تجيني غريبه وصارت عالقه ببالي على مدار الساعه
خايف اني اضعف واجاريها وانا مااتخيل نفسي بهالشكل
كثير تصير مواقف ولكن شمعنى هذي بالذات اللي خايف على نفسي منها مدري
يمكن لان مواصفاتها عشتت بعقلي
او يمكن لانها جت بوقت انا عندي فراغ عاطفي رهيب
مدري