رد: تعبت من الشغل
السلام عليكم ورحمة الله وبركاته ..
مجربه بيئة العمل في المدرسه اللي كُنت فيها طالبه ..
رغم اني ما احتكيت كثير بالمعلمات لكن فِعلاً انصدمت فيهم صدمه كبيره ..
معلمات كانوا قدوات في الحث على الأخلاق الحلوه والتعاون و و و و ..
وبس يطلعوا من الفصل او يجتمعوا مع بعض يا الله ما اقبح كلامهم واجتماعهم ..
حتى على بعض يتكلموا وينتقدوا بعض ..
رغم اني كنت متدربه كإداريه وواجهت صعوبه في البدايه في تقبل زي كذا بيئه ..
لكن ماسكت طبعا ..
ومن اول مرا اتكلمت فيها وحدا قودامنا على زميلاتها بينتلها انو هالشي مايصير واحنا حاليا مجرد زميلات معاهم وضيوف ومن غير اللائق انها تتكلم عن زميلاتها قودامنا بهالشكل ..
ما اسمح لأي وحدا تقول ظلك اعوج مدامي مأديه واجبي على أتم وجه بالشكل اللي يريحني ..
مايهم قد ايه خبرتهم او كيف تعاملهم مع الطالبات وكسب خوفهم بدل احترامهم ..
هما عليهم بالنتايج بغض النظر عن طريقتك ..
لا تضغطي على نفسك لمجرد انو دوبك ( فاقسه من البيضه ) على قولتهم ..
انتِ تستاهلي تعيشي حياتك بالشكل الحلو حتى لو في بعض النكد .. طبيعي الإنسان مخلوق في كبد ..
العزله والجلسه في الضلام والسرير ماراح تحققلك إلا ( تعب نفسي وجسدي + ابتعاد عن الناس وغيابك عن المشاركه اللي ممكن تعني للي يحبوكِ كثير ) ..
الحياه ألوان . مو بس أسود أو ابيض أو حتى رمادي ..
اشتري اللي تبغيه .
ارمي اللي تبغيه ..
العبي واضحكي مع بزرتك واتعفرتي معاهم واتشاقي لو حابه ..
دوريلك على مدرسه جديده لو أمكن ..
أما تدفني نفسك وشبابك بسبب شوية ضغوط او خذلان . فدا اجحاف في حق نفسك اللي تستاهل الأفضل ..
لو ان شاء الله ماتهتمي إلا في نفسك واولادك وماعشتي الا لكِ ولهم فدا يكفي ..
العمر يجري ويفوت الكثير من اللحظات الحلوه اللي ممكن تجمعيها ...
لا تدفني نفسك لا بعزله ولا بتغيصب ولا بتنفيذ أوامر ورغبات أحد ولا في توجيهات من عصر ميه وخشبه ..
__________________
اِهدنِيْ فِيْمن هَدَيْت ..
