رد: شهادتي الدراسية تخيفني من الزواج
مرا حضرت لمجموعه من رواد ورائدات الأعمال .
اتكلموا عن بداياتهم وكيف كانوا وكيف صاروا ..
واحد منهم ماشاء الله فائز بجائزة الإصرار ..
كان يقول انو وقف الدراسه من بدري عشان يقدر يأمن ليه ولأهلو الفلوس .
ومشيت سنه ورا سنه وصار رجل اعمال كبير ..
يقول مرا جتني ورقه من مدرسة بنتي ( اللي فيه بيانات خاصه بالطالبه واولياء امورها الخ ) .
يقول لمن جيت اعبيها حسيت بالصدمه ..
كيف رجل اعمال زيي مامعاه الا ابتدائيه وكمان بوكرا بنتي حتسأل نفس السؤال ..
ويقول : قولت لنفسي لازم اكمل .. وفعلاً عمل النظام اللي انذكر في احد الردود ( القفز ) .
وكان وقتها في اول سنه ليه في الجامعه . .
..
التجاره كويسه ومافيها كلام وربي يزيدك ..
لكن مافي تاجر يضمن الاستمراريه ببساطه ( التجاره ربح وخساره ) .
ولو لاسمح الله جا يوم احتجت لشهادتك في زمن على قولتك حتى اللي معاهم شهادات عليا عاطلين .
انتا كيف حتتصرف ؟
ماقدرت تكمل في الشي لأنك موقف الاكمال من عدمو على ( حُب ) ..
ماحبيت الشي ماتعملو وإن حبيتو حتكمل فيه .
تتوقع راح تقدر تكمل بدا النهج ؟
احيانا مضطرين نعمل حاجات عكس ما احنا حابين .
مين مايحُب النوم ؟ مين مايحُب الترفيه ؟
مافي احد مننا يكره هالاشياء . لكن مضطرين لأنو هالشي في مصلحتنا .
في مصلحتنا اننا يكون معانا شهادات تنافس اقراننا .
من مصلحتنا نأمن انفسنا من ظروف غير متوقعه .
من مصلحتنا يكون معانا شهاده كواجهه اجتماعيه + ضمان وظيفي لو بالاسم + مصدر فخر لأبناءنا من بعدنا .
.
__________________
اِهدنِيْ فِيْمن هَدَيْت ..
