المشاركة الأصلية كتبت بواسطة Neat Man

مرحبا مبتعثة

ذكرتيني لما رجعت من امريكا بعد الدراسة، كنت أقول لاصدقائي اللي في امريكا، ترى لعب فيني الهوم سك بالسعودية ودي ارجع لكم فيضحكون.

المهم أنا حاااااس بشعورك جيداً لأن مررت به وبقوة، وكنت رجعت 2013 ،وبعد سنة مباشرة 2014 رجعت لامريكا ولنفس مدينتي وكنت ناوي اروح للجامعة بس ماكتب الله، كان شعور لايوصف أبد، متأكد لو رجعتي راح تبكين على تلك الأطلال.
كنت أشعر بانتماء غريب لتلك المدينة، كنت ومازلت أشعر أن جزء من روحي مستقر هناك، حسيت فيها إنها مدينتي، كنت أشعر بالهدوء والسلآم والأمان والانتماء والحرية رغم ضغط الدراسة في بعض الأحيان
اتذكر أيام الشتاء وأيام الصيف والبحيرات اللي حول مدينتي ماديسون
كانت من أجمل فصول حياتي
لما رحت زرت الأماكن اللي كنت أرتادها والكوفي شوب والحدائق والمنتزهات، رحت لشقتي والاماكن اللي حولينها.
رحت للمطاعم اللي كنت أكل فيها عادة وخاصة Olive Garden, Taxes Roadhouse, Chipotle,
وبالنسبة ل Olive Garden فتح عندكم بالكويت أعتقد ثلاث فروع كنت أبحث عنه قبل مدة، واذا حبيتي تروحين له علميني علشان اقولك وش تطلبين مش راح تقدري تغمضي عينيك.

نصيحة يا متفائلة، حاولي هالسنة هذي أو بالبريك تروحي لمدينتك، واسترخي واستمتعي فيها، راح تشعرين بشعور جميل جداً.

عندي أكثر من خطة لعام 2017 أسافر فيها، من ضمن الخيارات المحتملة هي أمريكا، وبالذات مدينتي الحبيبة.