المشاركة الأصلية كتبت بواسطة Mewako ايش نسوي يا أختي ما بيدنا شي محدثتك ثلاثينيه وما انخطبت أبد وبنظر المجتمع انتهت صلاحيتي والحمد لله على كل حال

عزيزتي ..

لو تعرفي قد ايه نرفزتني الكلمه اللي لونتها ..

لا تسمحي لأحد انو يشبهك بمنتج او آله او حاجه لها تاريخ انتهاء .

انتِ انثى .. مخلوق ليه كيان ووجود واستقلاليه ..

كون لسى ( ربي اللي يشاء كُل حاجه ) ماشاء لسى انو نصيبك يجي .

فدا لا يعني انو خلاص المجتمع ليه كلمه عليكِ .. لدرجة يجي الوقت اللي فعلاً تصير فيه الوحدا مجبره تكون تحت ألم احكام المجتمع الظالمه ..

كوني واثقه انك قادره تمضي بحياتك بدون زوج ..

لأن الزواج رغم كُل حاجه مو هوا ولا مويا ولا أساس من اساسيات الحياه اللي لو ما انوجدت معناه انتهت ..

انتِ في مرحلة العطاء . انتِ مالك تاريخ انتهاء ..