الله يحفظك يا اختي

خذيها قاعده في النت كل شي جايز
ممكن تلقين ناس يتخفون باسماء مستعاره وممكن تلقين ناس صادقين
موضوع المنتدى انهم اساميهم حقيقيه او لا او صورهم حقيقه او لا هذا من المنتدى نفسه يتأكد من شخصياتهم
والمنتديات في الغالب الاشخاص مايكتبون اساميهم الحقيقيه
ونصيحه اختي ساره الله يحفظك لاتتعلقين بشخص عاطفياً في النت
لأنه في الغالب بيكون كله كذب

ونصيحه اختي الكريمه ساره
اذا انتي تعبانه نفسيًا هذي مافيها شي كل الناس يمرون بمراحل كذا
لكن لاتفكرين ابدًا انك تحاولين تعالجين نفسك او تاخذين استشارات من النت

لأن الاستشارات النفسيه خاصه تحتاج ان الواحد يجلس مع دكتور جلسه مطوله ويشخص وضعه ويقدم له النصيحه والعلاج المناسب
مافيها شي اذا رحتي لدكتور نفسي وكشفتي عنده عن اللي مضايقك بحياتك وشرحتي له كل شي بالتفصيل
ساعتها بيعطيك الاستشاره المناسبه

جميع البشر يمرون في حالات نفسيه متعبه في حياتهم
ومع التشخيص المناسب يعدون هذي المرحله

الحزن يا اختي الله يحفظك يمر ويعدي
واذا كان حزن دائم ضروري الشخص يروح لطبيب نفسي موثوق يكشف على حالته وضروري انه يقول كل شي للطبيب ولايستحي منه
الحزن او اي حاله نفسيه اذا كانت دائمه
الامراض النفسيه يجب ان لايخجل منها الشخص لانها مرض عادي زيها زي اي مرض ثاني
زيها زي مرض السكر
الضغط
القلب
كلها امراض وكلها لها حلول
والدكتور الحقيقي هو اللي يشخصها مو دكتور من الانترنت


المنتدى كلام فاضي صدقيني تحصلين اشخاص حاطين قدام اساميهم دكاتره واسامي وصور وكلها كذب بكذب
ابد لاتثقين بشخص في النت

انصح بالدكتور طارق الحبيب له عيادات في كل انحاء المملكه



اتمنالك كل التوفيق والسعاده بحياتك اختي الفاضله
وان يرزقك ماتتمنين واكثر في حياتك

بالتوفيق