شوفي الذكور غالباً فوضوين يعني لا تتوقعي إنه أولادك مستقبلاً رح يكونو مثلك

اولادي بلاحظ وهم صغار يسمعو كلامي وياخذو الملابس من مكانها بدون حوسه لكن كل ماكبرو تغيرو المهم بسرعه ألحق ألعب بسرعه ألحق أتفرج وعشان ماأخصامهم اذا رموها في الارض يدفعوها في الدولاب اذا فتحتيه طاحت نصها

كلامي عشان اوضح لك انه مو بس ولد زوجك

بعطيك طريقه ريحتني معاهم شوي
اولاً اي لبس مكوي ع العلاقه ع طول ماأطويه في الدولاب
ومحطيه بوكسات :
ملابس النوم لها بوكس
الملابس الداخليه لها بوكس
الشراريب لها بوكس صغير
لانه لو احتاست الملابس تحتاس داخل البوكس وبكذا الدولاب مرتبه وغالباً الي يحوس الدولاب القطع الصغيره فالبوكس افضل حل لها

وباقي الملابس الي مااكويها لانه عندي مجفف مثل الجينز والقطنيات وبعض البلايز أرتبها بدون مااحطها في بوكس

وترتيبي غريب شوي وعجب شغالتي لإنه مايعفس بقية الملابس
أمسك طرف اللبس من الاكتاف اذا بلوزه وأطويهم طيه وحده بالطول وبعدين من فوق أطويها مثل ماتطوي السجاد او السينابون هههه
وبس احطهم بجنب بعض او فوق بعض
اذا سحبتي لبس ماتخرب بقية الملابس
وبرضه سهل عليك إنك تلاقي الي تبغيه

وفي نقطه ذكرتي انه زوجك يحوس عشان يطلع لبسه
شوفي الملابس الي يكرر لبسها هي الي خليها فوق او في رف لوحدها وبقية الملابس في رف تاني
انا زوجي مشكلته مع الملابس الداخليه يحوسها عشان يطلع الجديده منها
ارتبها ماانتبه اني احط القديمه فوق والجديده تحت فلما انتبهت غيرت طريقة الترتيب

ان شاء الله استفدتي وبعدين زوجك اذا مررره فوضوي برأيي تتركي دولابه فتره بدون ترتيب واذا سألك وضحي له انك تعتبي
أما ولد زوجك اذا عمره اقل من 7 سنوات سهل تعوديه جيب له حركات حلوه في دولابه
ولدي عمره 5 سنوات جبت له علبتين بلاستك ع شكل دبودب وحده لشراريبه ووحده لعطوراته ومشطه واي شي هو يحب يحطهم فيه وبوكسات الملابس بلون طفولي

أخيراً لاترهقي نفسك كثير في الكي والترتيب لا يكلف الله نفساً الا وسعها لانه يأثر ع نفسيتك اذا تعبتي ومع خرابهم يحسسوك ولا كأنك سويتي شيئ
بيتي كله أولاد وتشبعت من الفوضى حتى شغالتي ماارهقها بالترتيب وراهم كل يوم