عزيزتي فليكا عليكي العافية الله يبعد عنا العصبية لانها متعبة وخاصة بس يحس صاحبها انو وصل لمرحلة الانفجار ومش قادر يسيطر على نفسه وخاصة مع الآخرين
نوعي عصبي بس مع عائلتي اذا كنت مضغوطة كتير وبيتفهموا هالشي وهيدا اللي مريحني وبيساعدني وبيخليني نفس عن عصبيتي او غضبي
بس بسرعة بروق وبصير وحدة تانية نقيض الحالة اللي كنتها قبل
اما مع الناس ابدا ابدا ما بعصب مهما كنت مضغوطة ما بعرف شو السر
بشوف الانسان اذا كان بيمر بمرحلة عم يفكر كتير بمعنى بيحس وكأنه في شريط افكار براسه وكل الوقت داير هالشي بيزيد من العصبية وبيفقد الشخص الكنترول على نفسه
وبعصب اكتر شي وقت كون عم فكر متل ما وصفت قبل
وبلاقي ضروري اي انسان يكون عنده دكتور سلوكي دايما بحاجة يعمل فرمتة لكل الضغوطات ويفرغ الشحنات السلبية وكل شي كاتمه ومش قادر يفضفضه لحدا
الكتمان والضغط على النفس اشبه بالقنبلة الموقوتة
واللي بيساعد اكتر شي وقت يعمل الشخص برنامج لنفسه يسترخي فيه ويمارس هواية بحبها بمكان هادئ بجو حلو وهالشي ضروري لحياتنا اليومية

اسال الله ان ينعم عليك السعادة وراحة البال دنيا وآخرة

دعواتي ترافقك
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه