اقتباس:
المشاركة الأصلية كتبت بواسطة الـــوحيد
اجل اختي لاتخافين ابدا
ولو رفع مية قضيه ماعليك
قضايا عدم تكافؤ النسب لها شروط
وهو ان الزوج ماهو قبيلي ولا فيه نسب سابق بينهم
وطالما انه من نفس قبيلتكم ماعليك تطمني
الله يهدي جدك ان شاءالله ويطول بعمره ويسعدك ويخلي لك زوجك
بس الله الله بالكلام الزين والمعامله الزينه مهما سوى يبقى هذا جدك يعني والدك
والدنيا تبي والاخره تبي اختي عامليه بالحسنى مهما قال ومهما سوى
وطالما ان زوجك من نفس قبيلتكم ماعليكم خوف ولا تشيلين هم ولا تخافين ابدا مافيه احد يقدر يفرق بينكم ان شاءالله
|
مع كل اللي سواه ماقد شلة عليه بقلبي او رفعة يدي ادعي عليه
انا الدنيا مو هامتي وربي انها اخر همي
انا هدفي اللي امشي عليه واجاهد نفسي عليه
ان مااقف قدام ربي واحد خصيمي
كل انسان له طباع ممكن تكون سيئه وممكن تكون جميله
انا حياتي الزوجيه مسكره عليها مااسمح لاي احد يوصل لها
حتى اقرب الناس لي مايعرف عنها
انا ماابغا اصير سالفه لناس
والسبب جدي
اهل زوجي كل اللي صار مااحد عنده خبر
لان حتى زوجي كتوم ومايحب الكلام ونقل الكلام
اخر مره قبل يمرض جدي
اجت ام زوجي لمنطقتنا
وجلسة عندنا
كنا جالسين انا وهي
فتحت الموضوع بس باين انها ماتعرف عن التفاصيل
قالت لي
ليه يبي يفرق بينكم
من سمعة الخبر مانمت
كله اتذكر ولدي وكلامه يوم يقول لي اذا ماتزوجتها ماراح اتزوج
ليه يوم ربي جمعكم بالحلال يبي يفرقكم
لاكن يابنتي جدك ضالم
وكانت تذكر لي قصصه مع امه
وتعذيبه لجدتي
وقالت انا راح اقف بوجهه لو حافيه
قلت لها
طلبتك يتاج راسي اذا لي غلات عندك ماتفتحي الموضوع
ولااحد يدري لان سمعة جدي من سمعة ابوي واعمامي
سكتت وقالت حسبي الله