المشاركة الأصلية كتبت بواسطة خالد_عبدالله

انا كنت عصبي جدا .. يمكن نفس حالتك انا مريت فيها ..
لدرجة وانا اسوق سيارتي لو احد لف علي بالغلط عادي ادعمه او انزل اتهاوش معاه ..

طريقه اتبعتها والحمدلله خفت حدة العصبيه بشكل كبير ..

اول نقطه اني وقت العصبيه قمت افضفض .. لزوجتي ..
ثاني نقطه التحقت بنادي .. الرياضه تهدي الاعصاب بشكل كبير ..
في البدايه مارست الملاكمه وكنت افرغ غضبي بكيس الملاكمه .. بعدها اكتفيت بالمشي وقت الفجر ..
ثالث نقطه اكثرت من استماع القران .. ما اشغل في سيارتي غير قران ..
رابع نقطه اكثرت من السنن في المسجد .. خصوصا ف الثلث الاخير من الليل ... وصلاة الضحى ..

الحمدلله تغيرت وصرت انسان اخر .
ما لجأت لطب نفسي أبدا .. مع ان الفكره جات في بالي .. بس قلت اخليه اخر الحلول ..
والحمدلله ما احس اني محتاج له ..