اقتباس:
المشاركة الأصلية كتبت بواسطة أبله دلال
الله يخليهم لك ويرزقك برهم ويقدرك على حسن تربيتهم يارب ،،
من كلامك نحسبك عند الله أب صالح والله حسيبك لكن خلنا نتكلم بواقعيه ،،
انت تزوجت وانت اللي بدأت الجرح والأذى ! لما تزوجت عليها ألمها كان لايعلمه الا الله وغصتها تفوق حد الكتابة مهما كانت الأسباب والمبررات لأنها ماتهمنا الآن ،،
انها طلبت الطلاق حق من حقوقها اذا شافت في وقتها انها ماتتحمل هالأذى ،،
تزوجت بعدك عادي جداً مثل ما انت تزوجت وهي عندك ! الجرح واحد مع اختلاف المقاييس
"ولا يعني عشانها تزوجت ثري وانبسطت وربي اسعدها يومين تنقهر وتغار وتتألم وماتتحمل و و و !!!
دائماً مانتحمل على أنفسنا بس نتحمل ع الناس ونبحث لأنفسنا على مبررات ! 
طيب الكلام انها طلعت من تجربة واكيد اكتسبت خبرات غيرت عندها بعض القناعات
وانت طلعت من التجربة بعد وربي وفقك بزوجة هينه لينه طيبه احترمت انها الثانية وقبلت ان ام الاطفال يلتم شملها مع اطفالها ،،
وين المشكلة الآن ؟
المشكلة فيك انت ماتبي تتنازل ولم ولن أقبل و و و
ليه عاد كل هذا !؟ عشان الشامتين اللي شمتوا فيني يوم هي تزوجت
طيب وهي ؟؟ مو فيه ناس بعد شمتوا فيها يوم انت تزوجت
لو مو عشانك مع ان اللي صار تبعات قرارك !
لكن ع الأقل تنازل عشان أطفالك يتربون أسعد في بيئة أسرية كامله ونتاج هذه التربية الصالحة انت اللي بتجنيه اليوم ولا بكره
الله يصلح حالكم .. |
الله يوفقها مع رجل غيري وتستفيد من الخبرات الي اكتسبتها
زواجي وان كان جرح لكن مو سبب لطلب الطلاق من قال انه من حقها !
ولو فرضنا انه من حقها لكن احترمي العشرة الي كانت بيننا مثل ما انا احترمتها وتركت بحالها وهي الله يصلحها تحاول تستفزني وانا مبسوطة جالسة اسافر مع زوجي وجالسة تلاحق وراي
بعد طلاقها اعترفت بهذا الامر واعتذرت وقالت انها ما كانت مقتنعة في الزواج اصلا لكن الشيطان وسوس لها الخ
المهم الله يوفقها
الناس يا اختي ما عندها الا الهرج يوم تزوجت عليها زعلو ويوم تزوجت قالو الله عوضها ويوم رفضت ارجعها قالو مقهور
الجميع قال مثل كلامك لكن العكس والله دعيت لها بالتوفيق وانشغلت في بيتي وربي عوضني من هي افضل منها
الواقع المر هي من باعتني وليس انا