حبي زينو يا رب تكون اوهام لاني شايفة بحبك كتير واللي بحب بينتقد كتير
كنت انا وماما كتير نتناقر وتنتقدني بكل شي وانا البكر
وبابا كان يضل يقلنا انو متل الضراير ما بنتفق وحتى اذا كنت امرض كان بابا يهتم فيني ويعطيني الدوا ويفيق بالليل يفقدني
كنت ضل قلها بس خطبت اول مرة بدي اتزوج لروح من البيت
مع انو بس اعزم رفقاتي كانت تخدمهم وما تقصر
وبايام درسي ما تخليني اعمل شي بالبيت
وبس خطبت مرة تانية بيوم الخطبة علقت انا وياها😁😁😁😁😁
وبابا قلنا لو متزوج اتنين ما بيعملوا متلكن😓😓😓😓

كانت تحكي عن بنات قدامي كيف بيتصرفوا بس انا اذا بتصرف متلهن ممنوع بصير كتير منفتحة
كانت تتجنب تحكيني بأريحية بس تنصح بشكل غير مباشر
بنفس الوقت تحكيني كيف جارتنا بتتحدث مع بنتها بشكل جريء ووضوح
حتى كل عريس يتقدم ما كنت خبرها اختي الاصغر كانت تقلها
ومجرد ما شوفها مش على بعضها ارفض وبابا قدامها يقلي القرار الك
ولا مرة قالتلي هيدا الشب مناسب ولاومرة شجعتني على شخص
مع انو تحدثني فلانة تقدملها فلان وانها بتشوفوا مناسب الها
مع انها مع اختي الوسط والصغيرة غير وحتى الصغيرة كل كلامها مسموع
وطلباتها اوامر
لوقت اتزوجت وسافرت عرفت كمية الحب اللي كانت تحبني ياه
شفت حبها باولادي اتعلقت فيهن اكتر من كل اخواتي صارت تخدمهن وتقوم بكل امورهم بس كنت زورها كل سنة
وصرت اتركهن عندها واضهر وتقلي اتركيهن على قلبي سمن على عسل
صارت تحدثني وقت ولدت بنتي انها بتشبهني واني اول شمعة بحياتها
لوقت قررت عيش بلبنان سنة او اكتر وقت ابني دخل مدرسة وكان قبل عندها
كانت مدلعته بشكل مش طبيعي
لحد استقريت تحت رجعت تنتقدني وتضل تقارني بفلانة وغيرها
وبس ابعد تقلي ايمتا رح تجي ومشتاقتلك
هلئ كل ما احكيها بتقلي بعد متلك ما خلفت
ما بعرف قبل وين كانت مخبية كل هالكلام
صارت تحدثني عن طفولتي وكيف كانت الناس تحكي فيني
وبتضل تبكي لاني اول مشوار بطول هالقد
وشرطها بس انزل اذا الله راد ممنوع اقعد ببيتي لازم ضل عندها
ودايما العالم ورفقاتي بتقلي امك بتضل بسيرتك
اللي اكشفته اني طبعي متل طبعها كرمال هيك ما كنا نتفق
وفرق العمر قليل بيناتنا
هلئ بندم على لحظة زعلتها فيها
وعلى كل ثانية كنت فكر انها ما بتحبني
ويتمنى يرجع الزمن لعوضها على كل شي عملتو لاجلي
مرات بنحس شي وبعد وقت وممكن كتير بنكتشف انو احساسنا وهم من ورا مواقف وصور
تراكمت براسنا

ربي يخليلك الوالد واتقربي اكتر وجربي خدي رأيه مرة واتنين وتلاتة وشوفي النتيجة .وربي يطعمك الذرية الصالحة
رح تشوفي كيف رح يتعلق بولادك ويميزهن

دعواتي ترافقك يا رفيئتي 😙😙😙😙😙

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه